2009年6月30日星期二

一盤生意

一盤生意,就是這樣殘酷。

最活生生的一個例子就是我國的煤礦整頓政策。我還記得當消息公布後,電視台主持詢問坐在她身旁的「所謂股評人」的意見時,那人說:「這件事當然是好事,因為在煤礦生產過程中死的人太多,但股市就是這樣殘酷,所有煤礦股都下跌,其中1098888(亂作)就跌了5.32%。

政府提高工業安全要求,企業支持,但股東卻賣出股票投「反對票」。

最不能信賴的就是銀行,因為他們做生意的方法間直就是白痴。有老闆跟我說,當他的公司生意上軌道時,經濟環境有好時,銀行經理就叫他借多少錢來擴大業務,叫他按了機器來借。

他計好風險,借了錢來做大盤生意。三年後,銀行強迫他一口氣還清餘下兩年的錢。他說:「你們當初不是這樣說的,說是支持我們一起成長。我當然知道你們都是為錢而講,但講大話也不是這樣的離譜。我現在單單是淨現金都夠還錢,你迫我清晒,我要四五年先復元氣。下一個升浪我就白坐,無得賺錢,你哋何必呢?」銀行對他的帳簿看也不看,就迫他一個月內還錢,最後他成功找到另一銀行,以僅加50pt的利息承接了那筆餘下的貸款,讓他渡過難關。到了現在,他的主要戶口已由以前的一間銀行轉到了救他一命的另一間銀行。

那老闆跟我說:「生意就是這樣殘酷,銀行就係咁迫我倉,出面係咁迫我找數。就係大家都係咁,叻嘅經理就反轉嚟做,睇完我盤數後信得我過,射咗過去做。我周圍唱個呢個故事,幫佢間銀行賣晒廣告,又介紹客仔畀個經理,還盡人情。」

我問佢:「個世界咁殘酷,你仲咁好人?」佢話:「你都傻嘅,我點知盤生意將來點呀,我都係做靚個credit ,第時一唔對板,就做返銀行一鑊,我個credit 靚,實做到嘢,畀晒啲人工後咪畀低啲錢老婆,之後咪關人忍事囉。」

生意就是這樣殘酷。

2 則留言:

Betty 說...

几时自己搞番坛野?

過內人 說...

有機會,有機會...