奶粉

奶粉，白色的分末，食用者會上癮。

等等，幹嗎將奶粉說成跟四號海洛英(白粉)一樣的呀？

我也知道，雖然奶粉跟白粉是不一樣的，不過他們都有很多共通之處。

1) 都是白色粉抹狀
2) 都跟藥廠有關(海洛英原本是藥來的，德國拜耳藥廠用之來做咳水。很多奶粉都是由藥廠製造，惠氏、雅培等)
3) 都要令人上癮(有養過孩子的都知道換奶粉不容易，所以很多奶粉商都會贊助奶粉，希望小孩吃了第一口奶粉就不能自拔。要戒奶，有時可能比戒毒更難。)

由藥廠製造的奶粉，贊助醫院免費給小孩享用。奶粉也不便宜呀，但為何藥廠不贊助廣泛贊助貴價藥物，卻去贊助奶粉。放心，那些美國佬不會死錯人的，因為他們都知道你吃了第一口，就不能離開他們的魔掌。就如吸毒者一樣，大多數第一口毒品都是由同樣是道友兼小拆家送給你，好讓你快點上賊船。

奶粉易買難戒，而更可愛的是很多家長都為免麻煩，不想為子女戒奶。一直從奶取得營養支持生命，有如一直不戒毒一樣，明知出牙後便要吃正常食物，但仍然拖得就拖。看來，香港的福音戒毒可以分支出福音戒奶來。

近期兩個奶粉廣告，思想極差。

惠氏金裝膳兒加
小烏龜食得慢 一粒飯要食三餐
小老鼠愛偏食 專揀peanut chocolate
(仔仔偏食 營養唔夠?)

佢偏食營養唔夠，就打到佢食，餓到佢食喇。仆街美國佬，我屌你咩，佢唔食飯就繼續食奶，擺明就係想佢唔戒奶，都低能。

香港地，點會餓得死佢，除非你乜都唔畀佢食，否則只會營養過多，絕少會營養唔夠。



美素佳兒
Daddy 攞住　強化免疫力

大佬，做乜一定要老豆攞污糟嘢呀，老母攞唔得o架。仲有，你咪畀個細路病吓囉，我阿嫲而家八十幾，打仗時畀日本仔害到要食泥食樹皮食人肉，咪又係咁大。痾嘔好正常，唔病邊得人大吖。

細個越唔病，大個越多病。有阿媽同個仔出街食飯，次次都用火酒過熱水食食具，入到小學無啲咁嘅低能服務，就日日病，日日嘔。免疫力係操返嚟，唔係自動變出嚟，你今日唔病，遲早都要病，出得嚟行一定要還。


題外話：曾聽到一個故事，兩姊妹都在差不多時間有小朋友，家姐不吸小孩食人奶；妹妹就餵人奶。有一次，家姐到妹家，看到細妹餵人奶，就話：「好心你用奶粉喇，咁方便。」妹：「我先唔會，對個仔唔好。」兩個人你來我往，鬧得十分不愉快。到最後，妹妹就說：「阿B，你記住呀，你堂哥哥的母親唔係姨媽，係牛嚟o架。」

我不是說給牛奶子女喝的人不是，反正我從沒吃過人奶，現在也健健康康唔洗入廠。不過，無論你吃什麼奶，都總要戒奶的。人總要成長，總要學會吃食物。

乳頭總要吮，但留返大個做愛時再吮過喇。

最低工資，倒不如力爭上游

點解一個洗潔工同一個洗潔科文，或同一個主管，響同一間你所謂嘅無人性公司工作，都有唔同人工呢?

我記得6年前我做某行業時，一個清潔嘅人工係4800、科文嘅人工係7800、主管嘅人工係10200。

呢一個唔係報標價，係實袋價。報標價係5500、8600、11000。

同一分清潔工，同樣係「12碼」，即係做足12個鐘，有啲3800，有啲4800，有啲6000都有，又點解呢?

點解升到上科文可以6日返9個鐘，升到主管仲可以返5日呢?時間少咗但係人工仲高咗?

當一個清潔返唔到工，無人會理佢，因為科文可以頂位，其他清潔工可以頂位。當一個科文無返，每日嘅清潔報表無人識簽，你叫啲清潔簽同跟，佢只要答你：「阿哥，我唔識字，嘻嘻，我識我唔洗做清潔喇。你打畀科文喇。」


*****************************************************************

啲人話最低工資係尊嚴問題，不過，我個人就認為，面係人哋畀，但架就係自己丟。

我都做過4000元9個鐘，只係我間無良公司硬係要升我，畀夠6000我，然後再畀7500我，但我跳一跳都9000，到最後轉埋行……

天下食油一樣黑

早前一條九唔搭八嘅新聞，係攞央視嘅，話什麼中國有黑油，收集食油循環再用。條新聞最跨張唔係循環再用，係入有高毒性化學物，比山埃強一萬倍，事後被證明無呢回事。

好喇，到美國企業麥當當喇，仲要開到差唔多全世界都有嘅，炸雞仔加化學物。

放得落肚都有衰嘢。

o拿！唔係淨係中國有喇，而家美國佬賣到差唔多全世界都有呀。

若果大家食老麥食咗咁Q耐都唔死得，仲有半條人命繼續鬧我，咁大家都可以放心去大陸整分水煮魚食吓。

樂園

九個人去吃東西。以往都是我挑地方的，他們都不沒有什麼所謂。那天我心情不太好，我也想不出來，叫他們提出建議吧！一些人說去吃壽司，一些人說去吃Pizza，一些人說吃泰國菜。

這個說壽司不飽，那個說Pizza肥，又有人說泰國菜很辣受不了。你一言我一語，我覺得很煩，反正我什麼都吃，早知我挑好了。

算！我心情真的不好，就說，那就分開吃，吃過再一起唱K。他們說我瘋了！咁多數蝦小數囉，五個人話食壽司，雖然我食壽司，AA計我實有著數，因為我食三十碟都隨時唔飽，但通常都係啲女話食壽司。不過，話食Pizza 嗰兩個又多口，一個話食唔飽，一個話唔想食生嘢，對皮膚唔好。我話照去喇，咁多數嗎。都未去食，兩條友響度鬧人，話揀去食壽司啲人無人性，唔係想佢餓食就係想佢皮膚唔好，越講越過份。

我真的想自己走開，但又廢事，忍唔住講：「去吃個樂園好了。四十皮，有河粉食有嘢飲，牛丸又彈牙。唔食牛咪食花膠豬肉丸囉。食完唱K又近。」

最後個個又話好喎。而家啲人真係麻叉煩。不過，真係好耐無食樂園．．．雖然裝修咗，硬係覺得無咁好食，但都算唔差。

唔知點解，有啲食店，只要一裝修得好啲，就無咗以前嗰種味道。上海小楊生煎又係咁，香港樂園又係咁。

理想父母

父母總是左擔心、右擔心。越是不能掌握在自己控制範圍之內，就越是擔心。

孩子是一個獨立的個體，有自己的思想，有自己的感覺。部分父母總是希望這個，希望那個，要操控孩子，將孩子成為自己的附屬。到孩子大了，操控不了，就越來越擔心。教育的微妙之處，就是似控制，實質卻是要接收者不覺得是被控制，而是被感化，將你的思維成為他自己接受並認同的思維，由他自由操控自己。

同時，人對恐懼感的反應很大，危言聳聽效果最理想。越擔心就要想聽得多，越聽得多就越錯的多。去Play Group／唔去Play Group，罰細路／唔罰細路，學多國語言／唔學多語言。父母成日話有咗細路，連自己都無埋，真係無錯，人哋話乜就乜，今日聽東去東，聽日聽西去西，連獨立思考能力都無埋。

一個好耐無見嘅好朋友，因為生咗仔，幾年都唔蒲頭。近排見返，聽到佢話佢個仔7歲，但仲要幫佢刨鉛筆。我頂，我真係講咗句串串佢：「7歲刨筆都要你幫？我望你長命百歲，我怕你個仔連女都唔識溝要搵你幫。」

夠膽嘅都有。我還記得我一個朋友同我講：「超開心，今日，我個仔終於仆街喇。」事源佢個仔學行路，行行吓仆街。呢個阿媽話：「唔仆街，點識行路呀。」慘在有啲阿媽，真係連個仔去踢波、跑步都唔畀，話驚佢會跌親，會喊……挑！做乜啫，佢唔係人咩。


有一本書講到不同因素與子女讀書成績相關嘅調查(美國調查)

下列8個有關：(事實：是什麼)

父母教育程度較高；
父母社經地位高；
母親生第一胎時年過30；
小孩體動偏低(負因素)；
父母家中說英語；
小孩為領養(負因素)；
父母參與家長會；
家中有很多書。

下列8個無關：(行為：做什麼)

家庭關係親密
最近搬到較好社區；
母親在小孩出世後至上幼稚園期間沒有上班；
小孩參加過學前輔導；
父母定期帶小孩到博物館；
小孩常被打；
小孩常看電視；
父母幾乎天天唸書給孩子聽。

本人強調，調查無法證實因果關係，大家可以隨自己喜歡的方法解讀。

係中國人先咁夠膽死

「係中國人先咁夠膽死」呢一句嘢，自從中國成為國際工廠之後，就成日聽到。

係中國先係咁咩？有可能係，雖然我唔知印尼、墨西哥、古巴、阿根廷、南非係咪咁。

今年，英國有查唔到炸彈的探測器，亦實實在在害死人。日本航空用坐位生產商，又係作假。

「係中國人先咁夠膽死？」哦！即係其他人唔係人囉，或者都係嘅。

家教

有人話而家啲細路較以前無家教。我唔敢講係普遍現象。

不過，我見過幾樣嘢，真係睇唔過眼。

1) 十幾歲都唔識用筷子。我個人認為係嚴重失禮兼無家教嘢行為。小學對手未夠力就話啫，到中中都用仲係唔識，點食飯呀。

2) 商場、酒樓周圍跑。撞到人仲當無嘢。最堅係個老豆老母，唔出聲都衰，鬧你嘅都有。

3)巴士、地鐵超大聲講嘢。有啲阿媽仲堅，同個仔鬥大聲，成車人都受苦。

4)畀個仔企上張櫈度睇風景。「細路仔係咁o架喇。」咁多答得出。

5)阿爸阿媽唔買嘢，打阿爸阿媽。 Toysrus 成日見到。

6)隨便開人雪櫃。我咁大個人，都係只會去一個識咗十幾年嘅朋友屋企，先會做呢樣嘢。

7)放本雜誌響度，唔問人就攞嚟睇。

界線

盜亦有道，當過了界線，還以為是無敵的你們，便慢慢會意識到，你會正面對一個重大的危機，一切亦會洗牌再來。

你們過晒界，玩得太過分了！！

大舊？？我挑！！

大舊向向詹培忠話：「我正式挑戰你，你夠膽同我一齊辭職。你夠膽同我一齊辭職，唔好做縮頭烏龜。」


一齊辭職就代表夠膽？唔辭職就代表唔夠膽，就係縮頭烏龜？？

就算你覺得係，你夠膽咪先叫晒所有反對派辭職囉，你又唔撚夠膽。

咁撚樣叫好夠膽咩？你咪尻撚屎喇！

你又鬥大，佢又同你講吖：「你咁撚支持基層，你夠叻同我一齊一年交同我一撚樣咁多稅，等政府有多啲錢攪福利，唔好做縮頭烏龜。」

咁樣講都唔撚係啱，都係一樣咁戇撚尻。

你撚樣聽日畀人打撚死，又一定關詹培忠事？

長毛最醒目，心知不妙，老早就叫大家收聲，以免越嘈越大；佢兩個嘈．．．你話佢黑底；佢話你入過冊，兩個事後都知玩得太過，大家都要收火喇，握手當無事。你大舊最豬，唔關你事仲加多兩句……

The Deal

The Deal (Film)

See, at the end of the day, it is about results.
All the good intentions in the world are not going to save the planet.

這一句，很適合社會學者同社工，加埋某一啲廢柴立法會議員聽

邵氏電影

令人感動的一段新聞

中新網香港四月三十日電(記者 米璐)擁有邵氏片庫的香港天映娛樂有限公司，將邵氏片庫的七百多套電影的影片素材、拷貝及預告片等數萬項電影資料，分批捐贈香港電影資料館作永久保存，整個片庫的移交今日正式完成。

　　“天映娛樂──邵氏片庫珍貴典藏移交儀式”三十日在香港電影資料館舉行。康樂及文化事務署助理署長 (文物及博物館)吳志華在儀式上指出，上世紀的五十至九十年代，邵氏公司出品過無數家喻戶曉的經典影片，這個片庫的特色除了數量龐大、影片類型包羅萬有以外，當中不少高水準製作在香港電影歷史上可謂絕無僅有。他說，大部分影片自當年上映後，便未被其他媒體曝光過，新一代香港人沒有機會認識這些影片，進行研究工作也有一定困難。

　　天映娛樂本次所捐贈的電影數據，為電影數據館的館藏收集過程中數目最大的一次。逾七百部經典影片，包括《江山美人》、《藍與黑》、《西廂記》、《何日君再來》、《妲己》、《新不了情》、《獨臂刀》、《少林三十六房》、《傾國傾城》、《瀛臺泣血》、《刺馬》、《馬永貞》、《流星蝴蝶劍》、《倩女幽魂》、《七十二家房客》、《金玉良緣紅樓夢》、《梁山伯與祝英臺》、《審死官》等。

　　吳志華說，直到天映娛樂有限公司于二零零二年開始將購入的整個邵氏片庫，進行數位修復，製作成家庭影音產品重新發行，才掀起新一輪“邵氏熱潮”，也讓世界各地的電影愛好者能重新認識這批影片的價值。

　　天映娛樂有限公司業務總經理鍾小玲表示，近年該公司積極將影片作數位化修復，令經典名片能以最高素質再現觀眾眼前。她說，香港電影數據館擁有完善設備，能確保在最理想的儲存環境下保存影片，延續底片的生命。幾年間，該公司將庫內七百五十六套電影，以及原始電影底片、拷貝、預告片、海報以及宣傳數據等，分批贈與電影數據館，適逢邵氏金禧五十年，正好完成了整個片庫的移交。

　　有“東方好萊塢”之稱的邵氏公司，曾大量製作不同類型的影片，出品發行遍及世界各地，不但星光熠熠，更培養了多位知名的臺前幕後人才。香港影星劉家輝、邵音音、謝安琪等出席了今天的儀式。

謊島叛變 The Island

有人話「摩登時代」係代表Karl Marx思想嘅一部戲。

若果大家又想再多睇同社會學有關嘅戲，謊島叛變 (The Island)係另一套值得睇嘅戲。

電影講乜，走去google 就知。

【劇情大綱】

林肯塞斯艾柯（伊旺麥奎格飾）居住在二十一世紀中葉，乍看之下是一座完美的烏托邦城市，但是其實每位居民都受到嚴格監視，失去個人自由。

林肯也跟這裡的每位居民一樣，希望能有機會前往傳聞中的「神秘島」－一座在這顆星球上唯一不受任何污染的人間淨土－直到他發現他與其他居民的人生都是一個大謊言，而且他死後比活著更有價值。於是他和一位美麗的女同伴裘丹杜黛塔甘冒奇險逃到他從來不知道的外面世界，他們必須攜手合作，逃出組織的追殺。

內裡同社會學有乜關係呢？
若果我講而家討論，又會爆咗個故仔出嚟。

有心睇嘅話，睇完應該會有啲得着。

加50%稅，咪玩喇

極少寫自己嘢，今次亦都唔係好想寫。不過，我真係頂唔順，所以先至發洩一吓。

二十歲一分正職一分全職學生，都未試過有疲倦感。之後做一全一兼，都唔覺得係乜。就係咁，我就決定返入去寶山讀個學位，落堂後兼職。

頂咗半年，開始有少少頂唔順。到咗第二個sem嘅今日，我真係頂唔順，每日無乜點瞓過，但又唔多見到自己做過乜，好多書都無睇過。

可以支持我繼續落去嘅，除咗同自己講「挑戰嚟嘅」之外，就係煙仔。

今日收到一個咁「好」嘅消息，就係煙草稅加50%，即一包煙加HK$8.00，估計一包煙要成HK$37.00。

「唔通真係連個天都唔幫我？」

不過，加到HK$100.00一包煙，我至少呢3年都唔會戒煙。無錢買煙，講笑咁講，真係搶都搶返嚟食。

法律

身處在一個社會，無論大家想或是不想，都要遵守法律。除非你真的不知有關法律而犯法，例如你不知道帶超過60支煙返港入境係犯法，否則你就算係犯法，都會知道自己係犯緊法，例如亂丟垃圾或者唔跟紅綠燈過馬路。

講到法律，我今日過馬路時諗到一樣嘢。

交通燈的存在，其中一個很重要的原因是以最低的成本，規管道路使用者，包括駕駛者及行人使用道路的時間，同時亦保障道路使用者的安全。使用交通燈能保障安全，大前提是大家都遵守燈號。

不過，是否遵照燈號過馬路，就肯定不會被車撞倒呢？
另外，若不遵照燈號過馬路，是否肯定會被車撞倒呢？

若你是有眼有耳有判斷力的話，當沒有車駛來時過馬路而被執法者撿控，這又是否合理呢？
若交通燈壞了，長期都亮紅燈，大家又會否依法而不過馬路，直至燈號變回正常？法例又有沒有對此作出定義？

法律有沒有解釋到，為何要信任燈號而不相信自己的眼和耳？
若是自己的腦袋有問題，紅燈也會看成綠燈；或者會以為紅燈才應該過馬路？

但若腦袋沒有問題的話，那人肯定比燈更可靠，因為你有交通燈沒有的能力，就是能判別車是停還是正衝過來，而交通燈只一直在「默守成規」地於不同時間亮起不同的燈號。





當然，我不認同一個沒有法律的社會，只是強調法律很膚淺，不能解決社會所有問題。

好多人以為法律可以規管好多問題，或者將法律同道德扣上關係。當社會出現道德問題，班議員就經常話要立法、修法、加強執法等等……事實上，又係唔係咁就得呢？


再講，法律規管了一夫一妻，但這並不代表你不能在有夫或有妻下擁有多一個或多個情人，只是法例不容許你有注冊超過一個合法的妻子或丈夫。

大家都會明白，法律不能這樣寫：「市民同一時間只能愛上一個人。」我更相信法律不會這樣寫：「市民不能在與配偶發生性行為時，在腦海幻想另一個他／她愛的人。」

(蒙眼的女神，看來還意味法律是存在盲點的)

Sociology

If you were to randomly ask 100 people in the US, "why do couples marry?" it is a safe bet that at least 90 of them would reply, "People marry because they fall in love."

Most of us find it hard it imagine a marriage being happy without love; for the same reason, when people fall in love, we expect them to think about marriage.

But is the decision about whom to marry really just a matter of personal feelings? There is plenty of evidence to show that if love is the key to marriage, Cupid's arrow is carefully aimed by the society around us.

Society has many "rules" about whom we should and should not marry. In all states but Massachusetts, the law rules out half the population, banning people from marrying someone of the same sex, even if a couple is deeply in love. But there are other rules as well. Sociologists have found that people, especially when they are young, are very likely to marry someone close in age, and people of all ages typically marry others in the same racial category, of similar social class background, with about the same level of education, and with the same degree of physical attractiveness. People end up making choices about whom to marry, but society narrows the field long before they do.

Sociology - John J. Macionis 12th Edition

養壞個仔要四球

(先指聲明，下列內容為保持原汁原味，粗口橫飛，同而家立會陳議員講嘢用字無乜分別)

生個仔出來，總想個仔生活好一點。雖然我未有如此福氣，但若果有我就反返轉，想個仔辛苦啲。

我老豆嗰一代人(我指係嗰一代整體情況，唔係淨係講我屋企)，六、七個兄弟姊妹迫埋一間房，入小學就要幫屋企手賺錢，咪有係咁樣大。我有問過我的老細，佢同我老豆差唔多大。佢話：「咪又係咁x樣生活。以前有兄弟姊妹，仲開心。老豆老母唔x響度時，大家姐咪係第二個老母，我哋唔讀書咪打x到我地飛起。佢做埋老母嗰分，咪一樣讀到書，仲差啲就讀到大學，係屋企無錢供佢，佢咪要出嚟做嘢，幫屋企手供我哋讀書。」

「咁佢咪好x灰？」

「佢而家都讀完Master九世喇。有心讀，點會有得讀，香港好x公平。三哥出身後，佢咪有錢囉，之後咪有讀到。而家啲細路都無x心機讀書。世界好，唔知辛苦，屋企大爺咁x樣。我得個獨女，中四喇，乜都唔x諗。早知我就唔好咁縱佢，等佢知道世界艱難。」

類似嘅故事，我從我老豆口中都有聽過。

「以前阿爺個邊個邊個朋友，我都識，你細細個都去過佢屋企。其實佢好x有錢，但佢生咗個仔後，怕個仔會畀錢縱懷，所以由大屋搬細屋，又賣埋架車，等個仔無乜物質享受。佢就堅呀，為x咗對仔女，真係捱足廿年無得享無得玩，就係想對仔女知道世界唔易撈。佢對仔女最後都好x生性，完全唔二世祖，兩個都出生得好，自己搵到，阿爺啲生身家兩個唔都願爭，個老豆死得眼閉呀。」

請大家捐血

紅十字會經傳媒公布，香港捐血數字減少。

本網誌讀者請盡快捐血。

多謝！！

aTV 大改革

2008年12月4 日，亞洲電視公布，委任前國泰及電訊盈科管理人張永霖及城市電訊主席王維基，分別擔任該公司的執行主席及行政總裁。

我對於該公司這次重大任命充滿信心，亦相信亞洲電視可以打破一直以來一沉不起的局面。

當天的記者會，我一直坐在家中觀看整個直播，而且亦一邊看一邊拍掌、一邊大叫。這是我有生以來看過最好的一個記者會。最後我守到半夜，錄影了有線直播新聞台重播的記者會。

雖然考試在即，但我也忍不了，重看這個記者會多達3次。

有人認為亞視今次任命，最後也無法改變二奶台的局面。他們通常都會提出這幾個原因支持其想法。
1) 無錢
2) 慣性收視

相信你同我都睇到，當然張永霖同王維基都睇到。不過我唔認為，呢兩個問題會係亞視翻身嘅阻力。

1) 張永霖已經否認，查氏家族會停止注資。當然，管理層委任上述兩人，都有改革的打算，因此投資者早就預期需要繼續投資。何況，就是不轉換管理層，亞視每天運作亦需要資金，而亞視收入少，投資者基本上每天都需要注資。

亞視投資者唔只查氏家族，仲有荷蘭銀行(皇家蘇格蘭銀行)、中信集團、鳳凰衛視有關人士等。荷蘭而家無乜銀用，佢唔畀錢唔奇，查氏家族又可能唔係有好多錢。不過，中信集團要攞錢出嚟，一定唔會唔無，佢點畀同埋畀幾多就另一回事。

入股一間公司投資，至少都會睇佢三、五年。新股東上年先入股，而家玩咗一年，我估佢哋錢彈都應該未玩晒。佢仲有幾多我真係唔知，但點都唔似會無晒錢。搵到張永霖同王維基，都可以話係最後一著，因為兩個都已經係精英中嘅精英。最後一著的話，點都會仲有啲錢畀佢哋玩。更有可能嘅係，佢哋係留咗一大筆錢賭最後一舖，死就死。

最後，張永霖同王維基兩個人都不是白痴，若亞視再沒有投資，他們兩人都不會加入。入去人工都唔係多，我亦唔相信佢兩個人會貪心唔高嘅人工，做樣咁惡做嘅嘢。另外，王維基一直都唔係以錢搵錢的人，佢都話明自己係巧婦，煲慣小米粥(無米粥)，所以佢哋都唔會好需要要好大筆嘅資金，將亞視改革。

2)慣性收視的確係有。每個星期尾嘅收視調查，都講咗亞視好唔掂。不過，王維基都講咗，佢唔會玩Drama。佢話人哋做得好嘅嘢佢唔會做。你睇返個市場，夜晚睇Drama嘅人約300萬人，就算亞視做得好，而無線短期計，做Drama嘅質素又唔會點下降，咁即係佢兩個間公司每人會分150人收視。

無線贏晒，經營都唔係話咁舒服，咁亞視贏多150萬人返來，都唔見得有乜好處。

唔玩嗰300萬人，仲有400萬人。當然，淨返嗰400萬人又好可能想睇電視都睇唔到，又或者係認真唔多睇電視嘅人，7除8扣，應該可以頂住收支平衡。食大茶飯嘅張永霖就講，佢係想衝出去全世界。我估佢又未必可以短期內成為世界性嘅廣播機構，我講你都唔信。大家又會諗，唔係香港，咁就應該係中國。不過，王維基都講過，佢唔係同中國好有關係嘅人，打入中國都唔見得容易，特別係而家中國電視業嘅發展已經起步。

好似條條路都唔得，咁又有乜出路呢?

我做佢可能有兩條路。

一) 內容供應者。
傳統電視台係內容供應商，又係媒界。若果佢主力做內容供應，然後賣出去，咁就可以以最低成本打出海外。大家睇National Geographic, Discovery, Fox, BBC....等等等等，都唔洗響香港開個台，佢只係賣內容。

亞洲區嘅高質素內容供應商唔多，大中華區都無乜。亞視行呢條路，先主攻大中華市場，賣普通話嘅資訊、教育等唔同類型嘅片，應該有得玩。

拍一套戲劇，成本點都唔會平。拍一套教育節目，反而仲平，而且賣片可以賣畀好多地區，因為學術，文化差異影響唔大，好多地方都可以睇，套英文字幕又可以買畀歐美。呢一個係低成本高增值嘅路。

仲有，類似嘅片唔只可以賣畀電視台播，仲可以賣畀機構、賣畀大學、賣畀普羅大眾。

點都好，行呢條路一定唔可以再以香港口味為主，一定要睇全世界，少極都要大中華。其實而家嘅National Geographic, Discovery, Fox, BBC等媒體，所包括嘅類別都唔係咁多，仲有好多發展空間。我舉一個例子，我相信專講電腦Gadget、專講遊艇、專講電玩、專講飲酒嘅頻道都唔多。若果等別係服務亞洲區嘅頻道就更少。呢一個market大到不得了，你拍一條片，又可以賣畀好多地方。

二) 財經電視台

睇Bloomberg, 睇CNBC。美國可以有咁嘅頻道，香港作為大中華，甚至亞洲區主要交易市場，要做一個都一定唔難。不過，香港就無，係一個都無。我舉個例，全世界好多人會投資中國、香港股票，但佢哋對中、香企業嘅認知又唔會好多，想知都唔多途徑。若果有電視台拍英文節目，專訪每一個企業，又搵專家(唔係所謂股評人)做分析，咁就可以賣畀美洲、歐洲。當然，自己亞洲都可以玩。

若果亞視行呢條路，又係唔可以將個焦點放響香港，乜鬼股神、股評員、乜乜大師都唔係佢哋要請來嘅人。每一個行業都要請專家，睇係睇個行業，唔係睇個市場，乜乜中線、短線、跌蝕位，唔該全部bye bye。






記者會間，當中王維基有好多精妙嘅對答。下面其中一句，我非常喜歡

王維基：「你都知我係巧婦，你亦都知我從來都係煲無米粥……你應該只我唔係靠好多錢起家……如果講錢多，香港有好多大財團……如果講錢多，我估今日唔需要有張永霖同埋王維基坐響度。」

王維基：「醒嘅時候返亞視，發夢嘅時候返城電。」

王維基：「我好憎靠人家，我覺得香港人係有尊嚴，香港人係應該靠我哋自己香港人，香港人係唔應該成日問阿爺攞嘢。即係香港人成日問阿爺攞嘢呢，其實係一種丟面嘅事嚟。有本事就自己自己砌自己打，無本事就唔好做香港人。」

張永霖：「我哋會背對背，無人可以分化我哋同埋玩矛盾。」
王維基馬上回答記者：「笑咩嘢啫。斷背山吖嗎，我知你諗乜喇…咁大聲講，我唔聾吖嗎，真係。」

王維基：「intel都係因為咁樣樣呢，變咗今日嘅intel喳，因為做memory嘅時候做唔掂，差啲…即係…唔玩喇…做唔掂memory喎做CPU喇，所以先至有今日喳嗎。」

王維基：「我唔識國內人嘅品味嘅，如果你想將呢一個台變為國內台呢，唔關我事，我無興趣。」

王維基面對亞視國際台記者的提問，更反問該同事：「Instead of answering your questions, may I ask, since you are our colleague, how happy you are with our company today?」該同事十分尷尬，未有回答。最後，王維基對裁員問題，向她回答：「Well, in case there is really a cost cutting, if it's happen, I think the remaining staff will be very happy! I will make sure all the remaining staff much happier than today.」

王維基：「無喎，我哋張約無寫幾多年喎，呢將唔係一樣一年、兩年、三年……唔係咁樣喎。」
張永霖：「婚姻證書有無寫架？」

王維基被問會否請被無線裁走嘅員工時答：「在坐我諗……乜嘢人都有喎，香港電訊嘅又有、無線嘅……喂！呢個江湖其實好細，在坐好多Cable嗰啲，可能以前係隔離台做過呀，NOW嘅都可能喺隔離台做過呀。嘅個江湖來來去去都係呢三、四個台……我諗，出身、喺邊間台做過並唔係我哋嘅考慮。」

深圳置業

退休想做什麼?

想要一個清閒的生活?想每天都到書面看書?想學習新的東西?想每天在家做飯?

那旅行又為了什麼?

為了可以遠離緊張的生活?為了可以看一個不似香港的地方?為了可吃到香港沒有的東西?

遠的不說，近的話，深圳倒是一個我想過會常到此旅遊，甚至打算在退休後住的地方。


治安不好、空氣欠佳、衛生問題。

我才不太認同。

深圳的福田西部，又或者是南山，環境都不錯。華僑城這個豪宅地段，房價跟香港的差不多，但我認為那區的居住環境，並香港普遍的還要好。

每天可以到兩、三層的Wall-mart 或者 Carrefour(家樂福)逛超市，又可以到少年宮書城買書買影碟，健康一點，可以在紅樹林區打發時間。

他們的Ikea, B&Q 都要畀香港的大得多，走一天也走不完。每次我到那些地方，都總想於深圳買房子，好讓我親自打造自己的安樂窩。

不想做飯的日子，走到小肥牛、牛肉工坊，或者平價餐店吃4塊銀的一碗大面。那裡餐店用的油很香，但香港的油都沒有味。

打開電視，你仍然可以看香港的劇集，也可以看到香港的新聞，但卻沒有身處香港的一分緊張感覺，但又不會思鄉。你那邊打人，飛蕉，都跟深圳無關。一河之隔，兩個世界。要看足球或看其他體育賽事，在深圳的價錢也要比在香港的便宜。

要返港探親，只要一小時車程便可，要不然還可以要他們過來。

真的信不過深圳某一些產品，返回來香港買便可。

或者最麻煩，就是不能逛網，左封右封。不過，既然想休息，什麼BBC, CNN, Sky News，不看也罷。


02年到深圳，樓價約400~600一呎，現在跟香港差不遠。經濟下滑，深房只比高峰跌了兩成，還是太貴。

等我，我畢業後一定買一所。

真英雄

不得不令我感動，也不得不令我尊重。

穿起國家的戰衣，代表國家在這個國際舞台參戰，為的是什麼？

是為自己，還是為了國家。不過，其實自己是誰？

國家也只不過是一眾的自己組成，若沒有人為國家，每個人只想自己，那國家會如何？

我不想信劉翔怕。作為一個男子漢，也曾經諣過冠軍，還會怕什麼？

在鳥巢之內，大批支持者早就到來為這個真英雄。難道他會不知道嗎？

沒有多人知道他的傷勢是如何嚴重，只想他為國增光。難道他會就此放棄嗎？

他忍痛，他出場後明顯地向全世界展示他有嚴重腳患，他更把心一橫，脫了外衣，踏上助跑器上「玩命」，就是為了民族、為了國家、為了人民作一個交代。難道沒有想過有「收山」的可能嗎？

老天感動了！

他真地去跑，但因為有人偷步，令劉翔不用再將他的腿作接近必輸的賭注。

紀錄一代破一代。玩運動的人，早就知道沒有名留千古的光榮。贏了冠軍又如何，畢生精彩年華都付出，退下來三、五年就被人忘記了。獎牌榜都不會分列運動員的名字，排名都只是國家。你一個金牌，就是整個國家及整個民族的光榮。你不只是你，因為你已代表超過十億人站起來。

不過，在家門口的奧運，在休息室內已聽到同胞支持者大叫「劉翔　加油」。真正的英雄，背起近十四億人的寄望，莫說是「收山」，就是要死，也會走出來跑。