種植樂

一直嘗試在種東西，但發了芽不久就死了。

無可奈何之下，請教了「師公」級的人。他說：「你每日都落水?咁死得喇，多水會軟腳㗎。你見佢出芽就可以每3日先落水。你啲泥係花泥??咁仲死得快，花泥好留水，水汪汪就爛根，爛根就腳軟，腳軟咪死囉。」

佢一輪咀咁講，講完之後，我即刻明晒。

而家我每3日先落少少水，佢真係唔「腳軟」兼且生得好正常，至少破晒紀錄，十幾日都未死得。

希望到6月中，佢仍然可以正常生長，直到被我以「收割」的方式將他殺死，呵呵！