可能大家都無留意，但你身邊總會找到「奇勝」。
奇勝是Clipsal的中文商稱，是電力裝置的品牌。電力裝置並非家庭電器，而是有關供電的裝置，如跳掣、插坐、燈掣等。
先看看你家中的的燈掣及插座，看看是否用Clipsal?
若然你不是用Clipsal，通常有三個可能。
1) 你是住公共房屋，而通常有關裝置都是投標的。(我見過有用MK、Legrand)
2) 你是建築、工程、室內設計行內人。
3) 你是所謂對生活有要求的人。
事實上，香港這個市場，用Clipsal是很普遍的。最常見的Clipsal 系列就是E30，就是那細細粒圓形掣的燈掣，然後就是E2000，即行內人所指的大板掣。較新的就是E3000，都係大板，但就係打橫而唔係打直開關，灰面配藍燈、白面配白燈。
我不知道這個市場的歷史，但若你到五金舖買燈掣，那最常見的兩個牌子通常就是奇勝及豐葉。兩者都係平價貨，特別係C30係列但後者更平價，款式則「參考」奇勝。
若你都所謂的電業材料行，即在灣仔莊士敦道、譚臣道一帶、北角渣華道一帶、紅磡鶴園東街工業區一帶、旺角砵蘭街一帶、深水埗的鴨寮街及元州街一帶，門口放滿很多燈掣，似五金舖，但又非五金舖的店舖。他們是專賣有關的電業材料的，如燈掣、插坐、電線喉管、跳掣、電線等用品的地方。我可以說，一百間這樣的店舖，接近九十九間都會賣奇勝的掣，此外就有會Hager、MK、豐葉、Legrand等品牌。
MK 較貴，屬英國品牌。以往英國人管治香港時，就帶來MK這個品牌。據說以往入政府標做工程，標書是指定要用MK的。那無論任何公司中標，最後都要買英國佬嘢。大家的冷氣接電蘇頭，好多時就係用MK。
Hager，一間都唔知係法國定係德國的公司(我估法國)。可能大家屋企大掣*箱入面的跳掣，就係用Hager。若果唔係用Hager的話，亦數來數去得幾間，包括法國的Schneider Electric(奇勝亞洲的主要股東之一，而出GP電的金山工業亦都係股東)旗下的Telemecanique、Square D、Merlin Gerin(MG)，又或者係瑞士的ABB，以及可能會係Clipsal(較少)，又可能係黑色的大Fuse如三菱。
*大掣箱通常係安裝於廚房內的。當大家屋企突然無電，第一件事通常就走去開電筒，然後照照個掣箱。掣箱通常有10-14格，最左邊通常係個總掣，然後就係分掣。
Hager同時又有出燈開關掣。MG都有，但香港無賣。
另外，大家去燈飾店，都會見到有Clipsal 賣。
由於周圍都有得賣，而且亦差唔多一定有現貨，唔洗訂貨，所以佢亦成為裝修公司的標準報價規格。正常你裝修屋企，你無室內設計的佢通常報C30畀你，有啲會報E2000(兩者價格差距不大)，你有設計者，好可能就會報E3000的價。
除非你講明，如果唔係佢絕少會報MK,Hager, Legrand畀你。
至於office，老闆通常只會睇價錢，加上office燈掣無乜人理會，所以又係報C30這個最cheap的系列。
就係因為咁，所以周街都係Clipsal。
當有一日你去到一個自稱好有生活品味的人，屋企由什麼什麼名師裝修，起用什麼什麼與別不同的東西時，你睇睇佢屋企的燈掣、蘇座，又係唔係用緊Clipsal?
咁我用乜?? 燈掣同插座用Siemens 同 Legrand。Double pole掣用MK，HiFi用的插座又係MK。
Siemens的掣同插座，香港係無得賣的。
文章
