天下食油一樣黑

早前一條九唔搭八嘅新聞，係攞央視嘅，話什麼中國有黑油，收集食油循環再用。條新聞最跨張唔係循環再用，係入有高毒性化學物，比山埃強一萬倍，事後被證明無呢回事。

好喇，到美國企業麥當當喇，仲要開到差唔多全世界都有嘅，炸雞仔加化學物。

放得落肚都有衰嘢。

o拿！唔係淨係中國有喇，而家美國佬賣到差唔多全世界都有呀。

若果大家食老麥食咗咁Q耐都唔死得，仲有半條人命繼續鬧我，咁大家都可以放心去大陸整分水煮魚食吓。

危險

周六有港澳直升機因事故緊急在維港降落，最終機上13人安全被救出。

有電視台新聞記者問往澳門的人會否乘搭直升機，她回答：「不會，很危險的，坐船較安全。」

我相信同一個人，若當時是發生撞船意外，他會回答坐直升機較安全。

再想想..到有港珠澳大橋落成，總會有交通意外吧！這意味，海陸空三路也不安全。步行 ？至今有不少人行路被車撞死，招牌跌下而壓死，搶劫被殺死。

留響屋企都會死…

問呢條問題都有少少無聊，因為反正答唔怕，你又問點解，再解落去，反問你搭乜過馬交保證唔會有事，又係落你記者面。

諗吓點樣去馬交有食有攞好過喇。
還記得「摩登如來神掌」的阿叻說過：「危險？有乜嘢危險得過窮呀？」

USHER Live in Macao

聽過Usher - You Make Me Wanna，我買咗佢隻碟。至今已有佢5隻碟，兩隻DVD。

睇完佢Live Concert 後，你會覺得呢個格林美得獎者的確有啲料到，我亦好欣賞佢現在演出嘅能力。我諗要睇佢現場Show，一定要去美國。

不過，我發現原來佢今夏會到亞洲演出，北京之外，另一站就係澳門。

800一張飛，真係莫財都要睇。飛已買了，位置不錯！

希望佢有good show!!

想为你的澳门旅程加添既精彩又难忘之回忆? 欢迎来临金光综艺馆™ 我们将为你呈献精彩的娱乐表演节目. 阁下更可选择酒店套票! 届时阁下可享用一晚豪华套房住宿，免费早餐及两张A区门票!

USHER Live in Macao! 2010年7月13日 只需澳门币/港币$2,888++ 《USHER Live in Macao》优惠套票包括: 澳门威尼斯人®-度假村-酒店70平方米皇室套房 ﹝双人房，包括一张特大睡床﹞豪华住宿一晚 在峰景餐厅、巴西扒房或蓝蛙酒吧享用丰富早餐 两张 ‘A’区表演门票 阁下更可订购超值金光飞航™来回套票, 详情请与我们联络 延长住宿将可获得专贵房价优惠

如何预订：
请致电澳门威尼斯人^®-度假村-酒店：
853-2882 8818/ 852-6333 6660 或电邮至 ticketing@venetian.com.mo 订票

贵客必须于预订套票时以 VISA/MASTERCARD/JCB 信用卡付清全部费用。
预订套票先到先得，售完即止。

樂園

九個人去吃東西。以往都是我挑地方的，他們都不沒有什麼所謂。那天我心情不太好，我也想不出來，叫他們提出建議吧！一些人說去吃壽司，一些人說去吃Pizza，一些人說吃泰國菜。

這個說壽司不飽，那個說Pizza肥，又有人說泰國菜很辣受不了。你一言我一語，我覺得很煩，反正我什麼都吃，早知我挑好了。

算！我心情真的不好，就說，那就分開吃，吃過再一起唱K。他們說我瘋了！咁多數蝦小數囉，五個人話食壽司，雖然我食壽司，AA計我實有著數，因為我食三十碟都隨時唔飽，但通常都係啲女話食壽司。不過，話食Pizza 嗰兩個又多口，一個話食唔飽，一個話唔想食生嘢，對皮膚唔好。我話照去喇，咁多數嗎。都未去食，兩條友響度鬧人，話揀去食壽司啲人無人性，唔係想佢餓食就係想佢皮膚唔好，越講越過份。

我真的想自己走開，但又廢事，忍唔住講：「去吃個樂園好了。四十皮，有河粉食有嘢飲，牛丸又彈牙。唔食牛咪食花膠豬肉丸囉。食完唱K又近。」

最後個個又話好喎。而家啲人真係麻叉煩。不過，真係好耐無食樂園．．．雖然裝修咗，硬係覺得無咁好食，但都算唔差。

唔知點解，有啲食店，只要一裝修得好啲，就無咗以前嗰種味道。上海小楊生煎又係咁，香港樂園又係咁。

踢假波

世界盃已到最後一輪分組賽。

每屆世界盃，看足球的人都會忽然一多，自稱球迷的人亦多了。

「挑！法國都輸畀南非，假波！收咗水喇！」

「英格蘭和阿爾及利亞，班友買咗和喇！」

每每呢啲所謂嘅評論，我都會內心微笑。凡人都是這樣，用現象來推測原因。一個現象有可能是多因的，但他們就只挑選他們心中所想的原因，再構建成以為一定合理的理由，用來解釋現象。

你估定肯定先？（肯定喇，踢得咁屎！）

咁法國收咗幾啲錢係邊個畀呢？(咪南非囉！)

幾多錢呀？大概吖？大概個數應該有啩？（我點知啫！）

咁邊個收咗？（龍門囉！）

係得佢一個？主教練呢？法國FFF呢？淨係龍門一個人收，定係要收買多幾個？（查案咩 ?）

有無證據？（我有我唔洗坐響度喇！）

或者至少有無有無啲合理疑點呢？（得得得，唔係做波，你贏晒，得未？）

其實係關比利事。法國隊好多人都係同性戀嘅，比利個屎忽，法國國腳個個都搞過晒。比利話班友啩住踢波唔理佢，佢枕頭邊係咁投訴，個個都怕無屎忽搞，所以咪求其踢完3場分組賽出局囉。」(你都低鳩能！)

反正都係無證無據鳩吹，你學我咁，吹大小小仲好喇！

以鬼制人

香港公關界有一招叫「以鬼制人」，就是找來一個外籍人士來向公眾公代。

今天有傳中電有參與投資的大亞灣核電廠洩漏幅射。

一眾記者圍著中電常務董事發問，該董事以英文解釋十分技術性的問題，英文已夠麻煩，就算是中文，但內容全是技術名詞，聽者不明白可以理解。

之所以在現場直播所見，記者所追問的問題，不是董事已答了，就是追問非所答，實在可笑。

若有企業要招架記者，除了「以鬼制人」外，還可以來一招「以科制人」。當然，最好的就是「以鬼兼科制人」，我相信萬試萬寧。

木蘭詞

納蘭性德

人生若只如初見，何事秋風悲畫扇。
等閒變卻故人心，卻道故人心易變。
驪山語罷清宵半，淚雨霖鈴終不怨。
何如薄倖錦衣郎，比翼連枝當日願。

鴻海科技集團

鴻海科技集團，即係大家所講嘅富士康。

近期大家對鴻海有更多認識，都拜啲人係咁跳樓所至。

好多人都對呢個咁奇特嘅事件有好多唔同分析，好似話係鐵腕管理、壓力大、不斷加班。

我暫時無法求證上述理由係咪唔係令人跳樓嘅主因，但係我又想知，用上述理由去推斷嘅人，又有無求證過，以前未有咁多人跳樓嘅時候，富士康係咪無行鐵腕管理、員工壓力又唔大、又唔洗不斷加班。

我唔係話上述問題完全唔係問題，但個問題有幾大呢?係咪近期問題繼續惡化到超過臨界值，所以啲人先跳樓呢?若果一直都係咁，又點解而家先有人跳樓呢?

若果解答唔到呢啲問題，什麼鐵腕管理、壓力大、不斷加班等等等等的推斷，都係無乜料到嘅「垃圾」。

好多分析都係亂嚟，例如一些blog 寫話富士康高、低技術產品都做；需求又大增，人力資源可能應付不來，再瘋狂向員工加壓，令工作變成不可能的任務。

同一間公司乜都做，又如何?Sony 拍電影、電視頻道、廣播器材、數碼相機、Software(Sony Creative)，都係乜都做仲未計會outsource 出去嘅電視、收音機、PS3、notebook、Memory Card，層面仲大過富士康，咁Sony呢10年又有幾多員工自殺先?

和黃又係，物業發展、零售、電訊、投資、港口、酒店、傳媒…等等等等，又係乜都做，仲要佢全世界咁多投資咁多公司，又有咁多瓣數，一年應該跳幾萬人。

第二，做得多嘢咪請多啲人囉，係咁佢接單量同請人量一直唔成正比，做極都做唔晒先。可能係都唔定，但blog 內無數據可反映，又係得個吹字。另一個質疑，就係佢係咁迫班人做，請唔夠人嘅話，最後都係交唔到單，因為迫盡都係做24個鐘做唔停。交唔到單嘅代價一定高過請人。富士康請唔到人?年年都排長龍，多到任佢揀。

最後，唔知寫blog 嗰個知唔知富士康對唔同類型嘅生產係咪分廠房開工，跳樓嘅深圳廠房，又係負責乜類型嘅生產。富士康全世界都有廠房，點解淨係深圳廠房有事發生，係咪因為佢真係有如某人所講，淨係深圳間廠就乜高、低技術嘅產品都要做，而且又請唔夠人，迫死班工人呢?不過我都幾肯定，寫嗰個都唔知富士康全球仲有邊度有廠，唔同廠房又係做啲乜。無睇清楚，又無了解過，又係咁樣講。你分析唔到，拿埋一堆係咁講，無條理又無數據。

又話乜嘢「這就是中國」、「見人仆街自己好HIGH」、「支那化」……挑！

重操故業

曾經是一名建築界(地盤佬)的我，今天重操故業，為自己的房子維修。

真的很久沒有流這樣多汗水了。我深信，不停地工作一小時，所消耗的能量絕不比踢兩小時足球少。我還記得到某大學就讀的時候，要學習如何釘板、紥鐵、拉線、駁水喉。通常大學一節課堂最多都是4小時，但一堂「地盤佬堂」，是朝八晚五，中間有午飯及下午茶時間。這一課不能走堂，不能早閃，不能蛇王，根本與地盤沒有分別。

開英泥的時候，起初的3分鐘，我真的忘了如何開，還好，唸了的書似乎真的拿不走，不久之後，我就成功開起英泥漿，想起了泥／水比；如何攪拌；如何用灰池推漿；如何填泥；如何批盪。最終，順利完工，當中沒有問題出現。

除了辛苦之外，還有一些問題。我早就知道英泥加水後，英泥漿是強鹼的，不能用手接觸。不過，由於「落手位」太細，有些部份仍然要用手才能填泥，最後不理後果，決定用手填。完工後，問題就來了，手很緊，很乾，有「拉著」的感覺。

其實我是知道後果的，但明白到工作就是這樣。我知道最辛苦的時間還未到來，因為手而被強鹼燒傷，今晚應會痕癢不止，兩天後會脫皮，更嚴重者還可能要到醫院治療。

做建築的工友，的確很辛苦。不過，我還是很愛這工作，只是不同的主觀問題及客觀因素，令我不能將這行業定位成我的終身事業。這兩天，我重操故業，重拾了很多久遺的感覺，這種感覺很特別，仿如時光倒流一樣。若有機會的話，久不久我也會辛苦一下。

種植樂

一直嘗試在種東西，但發了芽不久就死了。

無可奈何之下，請教了「師公」級的人。他說：「你每日都落水?咁死得喇，多水會軟腳㗎。你見佢出芽就可以每3日先落水。你啲泥係花泥??咁仲死得快，花泥好留水，水汪汪就爛根，爛根就腳軟，腳軟咪死囉。」

佢一輪咀咁講，講完之後，我即刻明晒。

而家我每3日先落少少水，佢真係唔「腳軟」兼且生得好正常，至少破晒紀錄，十幾日都未死得。

希望到6月中，佢仍然可以正常生長，直到被我以「收割」的方式將他殺死，呵呵！

蜂花檀香皂

我還是不太愛用皂液洗浴的人。你可以說我老套。
不過，更老套的是，我用的皂是中國上海的「蜂花檀香皂」。

雖然是老套，但那種我認為是「優雅」的香氣，跟本沒有任何香皂能取代。


相比聯合利華／寶潔等集團旗下的品牌，蜂花檀香皂絕不便宜，但我認為，就算是十塊一片也是值得的。

HK$12/4片，各大藥貨有售。

董驃金句

看到有人在網上貼了「董驃金句」。

本人抽了較喜歡的5句出來：

1. 交一友要千言萬語，失一友只三言兩語。
   
   
   
2. 唔賭會病，賭就無命，惟有賭細的吊住條命。
   
   
   
3. 無料的人無人扶得起，有料的人無人禁得低。
   
   
   
4. 不勞而獲無道理，勞而不獲無天理。
   
   
   
5. 馬重未必係肥，輕左未必係瘦，肥瘦輕重根本係四件事。
   
   
   

音源

自問不是音響發燒友，因為沒財力兼沒時間。現在的音響系統，在10年前已建立，至今仍然能健康運行。CD盤跟揚聲器都是英國的，後者沒有問題，前者總有些時侯不能讀碟；合併擴音器是日本的，只是音量的轉鈕有些左右不對稱。算吧，我相信5年後才會更換。

跟普遍發燒友不同，我較少為音源質素來遷就個人喜好，我還是聽流行曲為主；其次是中樂。

有些我認為是固執的人，會堅持流行曲都沒有好的錄音；樂器也可能是電子的。

上述觀點，都很正確，但若然要我聽一些沒有感覺的音樂，就算旋律很優美那又如何？

其實有很多香港流行曲的錄音也不錯，多片有製作XRCD的唱片都不錯。此外，張學友的《真情流露》亦是得到不少發燒友推介。



除了較著名的專輯外，本人認為彭羚的《我有我天地》、古巨基的《愛與夢飛行》、蘇永康的《獨立宣言》都是不錯的。

自修

中五時曾到過自修室。自修室並無法令我好好注心地溫習。
中七時發現再不讀便不行。自修室感覺不良好，家中又太多令我分心的電視節目、新聞等等等等，我最後跑到維園讀書。兩小時便讀完應該要花一整天才能看完的書，的確很有效。溫經濟學時到維園，到企業概論就到新會展，始終新會展能給予你一種較商業的感覺，溫起來氣氛更好。維園……經濟……這個嗎？《賣桔者言》應該有維園年宵這場口。

不過，我不會每次都外出溫習，因為這代表是危急關頭，人總不會每次都是危急吧！

今次，我別無選擇，又要在別處看書。
至於要到那溫習？或許是南灣，或許是香港公園，或許是灣仔海旁吧 ！

Windows 7

還記得十多年前，還是用Windows 98的時候，突然走出了一個Windows ME，我沒有換，因為我怕。最後我的決定是正確的。

還記得當年的Windows 有分開不同的級別，有Windows 3.1 及 Window 3.11；有Windows 98 跟 Windows NT/2000。

到了Windows XP，就沒有這個了，只有Home / Professional 之分。我怕煩，最後買了正版Home, 然後再到Professional 正版。

出Vista 的時候，我又想到當年的ME，那我亦沒有換OS的決心。雖然買Notebook時跟機有Vista，但我用了兩天後便馬上重裝XP，直到今天。

到了Windows 7，反應好了，就想到買一個來試試。正版的太貴，ultimate 64bit要接近2000，但我後來找到了一個方法，徘徊在用正版跟翻版之間。當然，我的使用感覺十分良好，現極力推介各位使用。若大家都唔係好想畀成2000銀，但又想用嘅話，我係有個方法嘅，唔少人都咁用緊，至今都無乜問題。

有乜好，大家用過就知道，我唔會花時間慢慢講，反正正面的嘢，你上佢個網都睇到。越來越多64bit 嘅software推出，而且佢對32bit software 嘅 support 亦唔錯。


http://windows.microsoft.com/zh-HK/windows7/products/compare

至於我用咗幾多錢，大概係一張牛肉乾嘅價錢有找喇。真係有心想試，話畀我知，我教你點樣。