諾基亞

我極少寫自己o野，但今次因為諾基亞而破大例。

今日我洗完衫掛濕衫，同時間講電話。講電話後，一個唔小心，電話由露台直飛落去。

我睇住個手機，由十幾樓直飛落到三樓平台，然後「嘭」一聲。

當然我好灰，因為個電話只係買o左一日，仲要係廿四個鐘都唔夠。個電話咁樣，唔死都難。

我落管理處，一心只想執返條屍，因為我只想要返張Sim Card。

之後平台業主返屋企。佢好好人，幫我爬上去，執返個電話返來，然後交低畀管理員。

不過，最令我驚訝的事件發生。「個電話可以講得返。」

咁跌落街，只有兩個小事，一就係張microSD壞，但只係好小小事；另外就係個7制崩了，但都好合理。

最唔合理係部機無事。成個電話，講、聽、sms、聽歌、收音機都無事。

我想，我有生之年，都只會考慮諾基亞。



為此，我會幫nokia 賣一次廣告。


我呢部係Nokia 6120 classic ，係一部十幾樓跌落街都仲可以講到用到嘅電話。
有意買者，可以以HKD1680現金價到各大零售商選購。


本人「一反物理定例」推介。