界線

盜亦有道，當過了界線，還以為是無敵的你們，便慢慢會意識到，你會正面對一個重大的危機，一切亦會洗牌再來。

你們過晒界，玩得太過分了！！

大舊？？我挑！！

大舊向向詹培忠話：「我正式挑戰你，你夠膽同我一齊辭職。你夠膽同我一齊辭職，唔好做縮頭烏龜。」


一齊辭職就代表夠膽？唔辭職就代表唔夠膽，就係縮頭烏龜？？

就算你覺得係，你夠膽咪先叫晒所有反對派辭職囉，你又唔撚夠膽。

咁撚樣叫好夠膽咩？你咪尻撚屎喇！

你又鬥大，佢又同你講吖：「你咁撚支持基層，你夠叻同我一齊一年交同我一撚樣咁多稅，等政府有多啲錢攪福利，唔好做縮頭烏龜。」

咁樣講都唔撚係啱，都係一樣咁戇撚尻。

你撚樣聽日畀人打撚死，又一定關詹培忠事？

長毛最醒目，心知不妙，老早就叫大家收聲，以免越嘈越大；佢兩個嘈．．．你話佢黑底；佢話你入過冊，兩個事後都知玩得太過，大家都要收火喇，握手當無事。你大舊最豬，唔關你事仲加多兩句……

萬千歲月如一夢

一年容易又過。

要派利是的，在此時此刻，差不多要準備兌換現鈔，此時或會心想：「咁又一年，又要派錢。」
有在一月生日的好朋友便會說：「諗完禮物無耐，又要諗，一年真係快。」
又可能有些改過自新的人會想：「出咗冊咁又一年。一出嚟都好驚社會唔接受，過咗一年而家都無乜嘢喇，做返正行都唔係咁差啫。」
返緊學嘅你，應該更有感覺，一年前仲大大聲聲話：「仲有成三百幾日畀我溫書。」而家應該驚到腳震，同時為公開考試倒數。

無論你呢一年做咗乜，做得好做得唔好，都唔洗太上心。一年容易又過，過過吓，好快就過咗人生嘅一半。好多時回想人生，最開心嘅時刻都係「少年荒唐」、「驚險時刻」、「衝動無知」等等的壞事情。

沒有傻的昨天，明天便沒有快樂的回憶。萬千歲月，也如夢一場。

一覺醒來，又是美好的一天。

洗手間(二)

本人到酒店，入放的一刻放下行李後，首要做的事就是開啟洗手間的燈，看一看其布局。

那是一個有浴缸的洗手間嗎？浴缸能否讓我伸直雙腿嗎？除了浴缸外，還有獨立的淋浴間嗎？淋浴間的地面有防滑設計嗎？淋浴間的天花有沒有暖燈？面盤上是否有燈？面盤鏡有防霧裝置嗎？坐廁有間格嗎？廁紙架是單格還是雙格？最重要的是，門後是否有外衣架？

有一些細緻的設計，我十分欣賞，例如：
淋浴間的地面用不平面的石升高地台，四邊留空間，由地台去水。我認為這設計十分企理。
浴缸邊底約十吋範圍內的地面微微向內及向地台去水的一方收斜(行內叫：科水)，讓外濺的水不會四處流。
浴缸頂有燈，就算拉了浴簾亦不會漆黑一片。浴缸沒有浴簾除外。
洗手間有音響系統，讓你真的可以享受浸浴的樂趣。
洗手間有發光二極管的跳字時鐘。
放置在膝蓋旁位的廁紙架，讓你不用扭著腰拉廁紙。

此外，地暖裝置、暖房裝置、暖毛巾裝置都是令洗手間成為更人「留戀」的地方。

我見過一些用上普通浴具品牌，但設計細心體貼的布局，這比一味使豪氣，使用名牌浴具，但設計不便的洗手間更得我歡心。

當然，名牌的設計較好，外觀較吸引。在些介紹一些知名品牌。
Albatros
American Standard
Armitage Shanks
Duravit
Grohe
Hansgrohe
Heritage
Inax
Imperial
Keramag
Kohler
Laufen
Pozzi Ginori
Roca
Toto
Traditional Contemporary
Vitra


通常在酒店，最多見過的都是Duravit 及 Kohler