投資者心得

一名資心投資者閒聊時的話：

「投資就是對未來的賭博，但你要做大量功課，令你增加贏面 。投資上每做一個決定，背後都承受很大的壓力，而且贏了不會太高興，因為那都是在計算之內，輸了卻會抱憾終生。這個遊戲，絕不好玩。賭輸十元，總算緊張刺激一場，若以賭博心態處之，其實也很爽的，但在真正的投資戰場上，贏了千百萬元也沒有什麼快感，卻只有壓力，從來沒有爽的感覺可言。」

口號成理由

近年很多市民將一些口號視作為理由，情況亦越來越嚴重。

企業責任：

菲律賓事件其中一名重傷者都不滿投保的保險公司不就其傷勢作出賠償，理由不是該公司未有按醫療評估而作出賠償，因為據新聞報道指出，由於醫療評估認為兩人沒有永久傷殘，因此無法就永久傷殘一項作出賠償。受害者的賠償理由竟然是「企業責任」。

企業責任方面，我認為那公司可以捐款；鼓勵員工參與義工活動；協助社會企業……等等等等，但不案醫療評估，為賠而賠，絕對跟什麼企業責任無關。呢啲情況，我只會話係「賴貓」。

小弟曾經買過旅遊保險，平到貴乜都有睇過。平嘅淨係保你出事傷亡；貴嘅你唔見咗乜唔洗包底一件最多賠兩萬，總數可以高達40萬。你可以買好貴，乜都包，但唔係買咗一款保險後，唔包面爛心理陰影唔敢睇新聞，你有乜衫長褲短都話佢無企業責任。

大佬，若果係咁，咁我馬交係咪響大細台買圍骰喇，開咗大/細，唔開圍骰，我就話一年成年上萬人過大海推，賺都賺唔少，你而家賠個圍骰畀我都唔係好差啫。

第一）點解要賠？？因為你畀醫療專家評為永久傷殘？？
第二）要同情你？？因為你單嘢特別出名所以要同情？？

地產霸權：

因為一本我個人認為都幾垃圾嘅書，（又話爆料又話乜，我覺得乜都無爆到，內容接近有跟開時事嘅都會知九成），個個日日都話乜撚地產霸權。

大佬，西九龍某地皮本身仲有地積比可以發展，咁用嚟發展有乜問題。最搞笑係你因為自己景觀而反對人家利益，你咪仲惡。若果咁講，我一出排位就買落隻最多人睇好嘅馬，然後叫人唔好買吖，因為其他人買落去會令隻馬由開飛99倍變咗做大熱門，等我無得贏大錢。

仲有，又話嗰幅係「小小地皮」，不足9000平方尺，建一楝只係20層樓嘅單楝樓，咁又點屏風樓發呀？你講屏風樓，咁你有無做風洞測試，或者其他可確定會影響通風嘅實驗先。若果起樓都唔得，咁似乎真係幾「地產霸權」，不過係小業主聯手嘅霸權。唔好睇小小業主，佢哋聯咗手就會變成大業主，仲要亂咁嚟，好Q惡。