收成期

還記得11年前，和黃將Orange 以超過1000億賣出，成為一時佳話嗎??

一九九九年十月二十一日

香港-和記黃埔有限公司（「和黃」或「該公司」）今天宣佈同意接受Mannesmann AG（「Mannesmann」）有條件收購其所持有全部Orange plc（「Orange」）股份。當收購轉為無條件時，Mannesmann將收購和黃所持有537,234,691股Orange股份（佔Orange已發行股本百分之四十四點八一），收購價約港幣一千一百三十億元（一百四十六億美元），以現金、票據及Mannesmann股票交易。和黃在作為收購代價一部分而收取的Mannesmann股份將佔Mannesmann交易後備考擴大已發行股本約百分之十。當交易完成後，預計和黃將成為Mannesmann的單一最大股東。

和黃的電訊企業在1990年開始在歐洲投資電訊業，9年後收成，賣出大部分業務，然後將彈藥投放在3G業務上。有人說李先生貪勝不知輸，特別是在2003-2006年，他們的3G業務表現不濟，每年均要賣仔支持業務。

當年還未有iphone的時候，很多分析員認為，人家用電話都是用來作話音通訊，要那麼大的頻寬(以當時計真的很大，快過用Dial-up)來幹麼，什麼視象電話有誰會用。實在現在用Video Call的人仍然很少。到了2008年時，Wimax 又出了，我更擔心那個更大頻寬的制式會令3G未長大已宣告死亡。

但想不到iphone推出，以及其他如HTC等的smartphone，加上youtube, facebook 等網站，令人家在吃飯也要將餸菜拍照，馬上上載到facebook 跟人分享。

剛剛的長/和業績發布，李嘉誠極有信心地向記者表示，3G的業務開始收成。想不到他又贏一仗。且看2年後，他的3G業務王國，又會以多少錢賣走。

日軍侵華

放心，識我嘅人都知我絕少買日本貨，亦從未去過日本。

我唔係話菲律賓事件無問題，但照比較，日軍侵華，殺人、人體實險、強暴……乜都做齊。日本仍然未有正視事件，都唔好話較人性的問題，連錢可以解決嘅軍票數都唔找，其他問題都唔洗旨意住。

大家對菲律賓事件咁震怒，又會唔會對日本都一樣咁震怒呢？定係…比較菲律賓事件，日軍在華行為無乜嘢？

我對菲律賓事件感到失望、失落；我對日本二戰更失望，更失落。

阿媽教女

響火車車廂見到嘅真人真事。

阿媽同個女一次坐火車，阿媽同個女一齊坐低，個女就攞個小公仔嚟玩。阿媽見悶同佢講嘢，問吓佢頭先餐飯好唔好食，但個女無理佢，見佢係咁玩個公仔，就忍唔住用個公仔嚟做話題，想無咁悶。

佢就話個女咁樣齊隻公仔乜乜物物，但係個女都無理佢。無計可施下，個阿媽就搶個女手上玩緊嘅小公仔，但個女就雙手保護住，係都唔畀個阿媽搶。

阿媽就話：「個公仔我買嘅，你畀我。」個女無奈畀阿媽喇。然後阿媽就話個女咁樣整隻公仔乜乜物物，整過佢隻公仔之後畀返個女。

個女見隻公仔唔同晒樣，又還原返。個阿媽覺得無面，又想搶個公仔，但個女誓死保護。兩人角力了一分鐘後，阿媽放棄，然後就話：「你做晒啲暑期作業未呀？」

「差英文最後兩個課。」

「咁即係未做晒喇！」

「你叫我聽日先做埋。」

「未做晒就玩，攞返嚟！攞嚟呀！」

「又講大話，又話畀人聽日先做埋。」

「你攞唔攞嚟呀！」

最後個女畀返個公仔佢……


呢啲阿媽，簡直係廢柴。