奇到唔信

大約半年前，我的朋友跟我說了一個秘密，那就關於她的弟弟的。

他(弟弟)跟他女朋友的後母搭上了！

我聽到的時候說：「不是吧！真的發生了，也不會跟你說。」

她答：「起初講我也不相信，但那是真的，因為他(走投無路)才跟我說。他說不能跟他女朋友說，又不能跟朋友說，太樣衰，講咗好耐先講到出嚟。」

我：「咁都無嘢吖。至多同佢條女散啫。做乜呀，佢後母要錢呀。」

她：「唔係要錢，話想同佢一齊，兩條友一齊去新加坡過新生活。唔得就要生要死。」(個後母係新加坡人)

我問唔到件事一開始點發生，因為佢都唔好意思同我朋友即係佢家姐講，雖然呢樣係我最想知。呵呵，連女朋友個後母都可以搭上，真係堅。

佢家姐同我講，話佢話最激時，同完佢條女瞓，聽日佢條女返工，佢放假，個後母就叫佢去主人房瞓。（佢老公過咗生）

今日，我朋友打畀我話，你記唔記得呢件事。我話記得(上述已經係記淨嘅嘢，仲有好多唔同細節，但我都唔太記得)。佢話件事無事喇。我問佢：點搞掂呀，買起佢呀，哈哈。」

她：「唔係，不過真係無咗命。」

我：「吓！」

她：「個後母之前自己去咗馬來西亞，發生咗意外去咗。」

我：「咁鬼古嘅。」

她：「係呀！不過仲大嘅一個問題嚟咗。」

我：「乜事？」

她：「佢有分巨額保險，80%寫咗畀我細路，20%先寫畀佢個女。你話可以點解畫。」

我：「點解畫，佢條女都知喇，無得解。」（當時我還質疑可保權益，但Clarify 咗受益人係okay，只係投保唔可以。何況若果都係真嘅話，咁佢都派咗錢喇，電話都打咗嚟。）

她：「咁都要解。」

我：「寧願100%寫你細路，真係玩死。」

她：「係喇，咁點算，你幫我度度。」

我最後幫佢度咗，話佢阿媽之前話覺得佢細路老實可靠，唔埋唔會亂洗錢，所以叫佢好好照顧個女。點知連保險都咁寫。叫佢細路即刻同佢買間樓收租，將啲柤入落戶口，有乜事囉嚟用。（好彩佢細路真係老老實實，其實真係非常實，但又唔知點解實吓實吓可以溝咗佢後母。）

我唔知過唔過到骨，但係我到而家呢一秒，都覺得有好鬼奇，拍戲都無咁奇，雖然我無理由認為佢吹水，反正又唔係同我利益有關。

我最驚係件事係真。我朋友之前買樓都叫我睇，若果佢細路同佢條女去買樓又叫我睇，我真係驚見到佢兩個笑到出唔到聲。

斷估佢條女唔會睇我個blog 啩，呵呵！係就佢唔好彩喇！！

想當年，想日後

兩歲時，沒有冒險樂園、也沒有歡樂天地，只有出奇老鼠，有Pizza 吃的。

三歲時，CD還未流行，黑膠和錄音帶仍然主流，聽歌要Repeat 要 Mark Zero先，然後Rewind帶。

四歲時，沒有名門，只有虎豹別墅，我記得我看到那可怕的畫面，驚得哭了。

六歲時，大哥大手機，沒有SMS, 沒有GPS，也沒有Apps，打出打入，可以搵到老豆已經係萬歲。

七歲時，沒有電子字典，也沒有網上字典，下課回家都要查厚厚的紙字典，那是我又愛又恨的時間。

八歲時，我第一次經LD機看電影，那是吳宇森的英雄本色。那時我覺得要睇到一半要反碟好奇怪。

九歲時，那是還是萬寶路的世界，久不久就有萬寶路全港報紙頭版廣告，可以wrap晒成條地鐵出口嘅廣告牌仔。

十一歲時，仍然是萬寶路的世界，首個Marlboro Red Hot Hits 的專輯推出。

十三歲時，我買了首台電腦，當時是80486年代，CPU是會Remark的，要聽歌請另加Sound Card。

十六歲時，因PCS(GSM1800)而買了首部無線電話，那時大家都在爭論GSM跟PCS的分別。

…………

二十三歲，那時已沒有錢醉金迷的氣氛，每天新聞都在放感染人數和死亡人數。最後，「We shall overcome」是真的。

…………

我還有多久的命，可以繼續想當年呢?
我還有多久的命，可以看到日後的世界變成如何呢??