2010年9月29日星期三

兩極之間

人生就如一粒放在兩端沒有封口的水管內的那粒波子,徘徊在中庸之間。

有人愛平平庸庸,安安穩穩地過一生,將波子停在管的中間,不甜不苦,淡淡地走過這路程。其好處是安安全全,不怕從端口溜出,撞向地面而跌碎。很多人因為怕跌,所以就堅守在中間點,每有微微偏差都要馬上調整過來。

有人愛同樣愛停留,停在兩極其中一端,程度因人而異。樂觀的人有某些教徒,認為什麼都是神安排,什麼都感恩,不好的就是考驗。悲觀者,什麼都看淡,認為什麼都不好。最樂者,今天死了也沒有什麼不妥,那就到極樂世界;極悲者,同樣會走到極端的開口,波子高處跌下,情況跟跳樓一樣。有這樣的想法,很多時是認為某一極才是王道,堅守信念,某程度上是沒有能力控制方向,但有能力控制保持位置的人。

有些人沒有想法,跟大環境走,有風吹,管子傾斜了,就自自然然地往那方走。今天說皮膚白是好就去美白;那天又說黑才健康,大家就跑到另一端。「個個都係咁o架喇。」就是他們常用的解釋。好???不好???為何這樣走??這個……他們答不到你的。

有些人愛經歷,愛在人生兩極大幅度地徘徊,極之樂;極之悲。他們同最前者有一樣的控制力,不但有能力控制方向,也有能力控制速度。看起來很好,但在兩端不斷游走,磨損很大的,生命很精采,但壽命卻較短。

各有各好,各有各壞。各自各精采。

你呢?你又是那一粒波子呀??

2010年9月26日星期日

打印機

當電腦越來越普及,而可以上網做到的服務越來越多時,一台打印機就變得十分重要。

印Coupon、地圖、單據、收條……等等。

當然,你可以返公司慢慢Print。

其實大部份情況下,返公司Print嘢都幾好,因為又唔洗錢,又用Laser,又快又好。不過,到你急嘅時候,返公司就好唔方便,例如你星期日要去一個你唔熟識嘅地方,你想印張地圖出嚟,就無理由返公司印。

有時候亦可能係你放工返屋企做埋少少嘢,聽日開會用。若果屋企無Printer ,就要先搭車返工,再去開會地方,本來可以瞓多陣,點知仲要早起身。

而家啲家用Printer,多功能嘅Inkjet 都係幾百蚊,有得Scan, Copy,方便都不得了。Scan 功能好有用,例如你見到睇完本雜誌唔要,但中間有一、兩頁想Keep,你部幾百蚊嘅嘢就可以幫到你。

另外,有時想申請嘢,用嚟影印一兩張又係方便,好過落街搵舖頭。

近期買Mac 送 HP 多功能 Printer,好多人放上網賣,400幾就有一部,Print, Scan, Copy 兼有埋Wifi。

有Wifi 簡直係香港寸金呎土地方的最佳功能。假設你房張電腦桌唔夠大,放得Desktop 又放唔到Printer ,放響廳又無可能拖到咁張USB線,咁有Wifi 就正喇,放響廳又得,放響梳化底、角落位又得,跨張到放響廚房、廁所都得,因為連Lan 線都唔洗拉,有個電制就可以。

若果你真係搵唔到啲MAC贈品嘅放盤,呢部HP B110a機標價$888,街價約$560。
HP 仲有樣嘢好,就係有代用墨,成本大幅減低。部B110a要用代墨可能煩啲,因為要將原裝墨塊晶片挑出嚟放落代用墨個墨盒度,但反正新機都有墨送,即係唔會有額外成本。仲用,呢部機有樣好,就係彩色墨盒係獨立墨盒。

代用墨盒一套先100,一支墨水幾十蚊可以refill 成7次,refill 又唔難,正到爆!!
你一開頭買齊一套連墨可能重皮過買原裝,但第二已回本,第三次就賺。HP仲有樣嘢好,就係用代用墨最少問題,又唔會塞墨頭,又唔會有明顥偏色問題。