2010年9月17日星期五

有乜幫到你

入到很多店舖,都會聽到一句:「有乜幫到你?」

通常入店舖挑選東西,都不會走近櫃位,而是離遠觀看。退後一點,將「鏡頭」拉闊,可以看到的貨品更多,也可以看到擺位。越放得不好位置,折扣通常越多,而且亦不積極向客人推銷。

通常約20秒後,店員就會說:「有乜幫到你?」

老老實實,在買貨前都會上網做足資料搜集,問好意見,要落店舖才能知的事不多,要不然就是深入得連如何查也查不到,相信店員能幫到我的能力有限。

首次聽到這話,我一定會說:「唔該晒你,自己睇睇先。」

再睇,店員會再問:「有乜唔清楚可以介紹畀你喎。」

我亦一定會說一句:「唔該晒先,我諗我自己可以幫到自己,我再睇睇,唔該晒。」

有些店員似乎認為自己對貨品很了解,馬上說:「不如你話我知你想知啲乜,你咁睇都未必想知到你要知嘅嘢。」

要大我了。好!那時,我必會說:「好,你真係熟啲貨?我怕你幫唔到我喎。」

在這情況下,他們都不能說不懂;沒有餘地下,只能答:「當然幫到!」

呵呵,那時候,他們還有一次機會,就是態度,若然態度還好,感到危機將至,我還會放你一馬。


到最後一關,如果佢仲答:「客人點會夠我哋熟 。」、「我哋唔會答唔到客嘢。」
呢一啲呢,佢搵定下台階,因為實死。

我:「呢一部Nokia 手機粒CPU係咪ARM11 600MHz?」
店:「吓?」
我:「呢一部Nokia 手機粒CPU係咪ARM11 600MHz?」
店:「唔,呢方面Nokia 無公布喎。」
我:「你肯定?」
店:「當然,我哋係Nokia 專門店。」(為免得罪人,我無話一定係香港/或者香港島某一間)
我:「上你哋個網有寫晒喎。」
店:「網上好多嘢寫,但唔一定係真。」
我:「你哋Nokia Forum 都唔係真,你哋自己個網嚟喎。」
店:「你所指係?」
我:「www.forum.nokia.com喎。」
店:「……」
我:「你係唔知定肯定forum.nokia.com唔係nokia 呀?」
店:「或者你仲想知啲乜。」
我:「你答咗我先喇,你又話幫到我,又話你知。」
店:「咁我唔清楚。」
我:「哦,又係老點。以為你真係幫到我,原來都係幫唔到。你真係好了解啲product喎。」
店:「或者咁吖,呢部係新機,功能有…………你可以試吓反應。」(指住一部最貴嘅電話。)
我:「咁呢部同我問嗰部粒CPU個速度差幾多,定係一樣。」
店:「功能會係呢部多啲。」
我:「我問粒CPU喎,唔係功能喎。點呀,又幫唔到我呀。專門店喎,吓?呵呵!!點呀,身邊有無人幫到我呀,姐姐仔。」
店:「我幫你問問。」

………

店:「唔好意思,同事都唔係好清楚。」
我:「咁你要答我,你幫唔到我喎。」
店:「唔好意思,我幫唔到你。」
我:「認咪好囉。專門店介紹件貨都幫唔到手。」

(呢個問題絕對唔係玩嘢,亦絕對唔係「撩舲」,因為Nokia手機的CPU速度,都可以響forum.nokia.com 搵到。而且買Smart Phone,CPU速度係十分重要嘅考慮因素。)

*********************************************************

當然,亦有有能力的店員,可以你問乜佢答乜。


我:「三部37" LCD TV 可以公平比較吓嗎?」
店:「得,等等。」
………
店:「而家先試電視,HDMI分線一出三,同一個Source。我再set 埋所有 setting 做 normal preset,你睇睇先。」
我:「呢部個黑色實啲,無滲光。呢部啲Dynamic 飽啲。呢部先叮走。」
店:「係,你講唔得嗰部,粒chip 仲係上一代,計數唔夠快,所以話高清,其實只係顯示版,Processor 仲未夠料。黑嗰部係乜乜乜Panel,黑色實會好啲,但影畫分析力,就呢個牌子做得好。」
我:「好!再淨係試呢兩部。玩多少少畀我睇得唔得。」
店:「開隻blu-ray試。」
……
店:「暗位黑位一定係呢部。但正常畫面就嗰部。細位大家差唔多。」
我:「仲有乜嘢好試?」
店:「試吓個界面;試埋收普通電視好唔好;再同你試埋個built-in speaker。」

我:「強弱都分清,即係睇自己preference喇。」
店:「睇埋價囉。」(佢已經胸有成竹,知道有佣落袋。)
我:「好嘢!呢部嘅話,你畀我乜價先。」

店員先望望我,再望望一個無人嘅位。我跟住佢走過去。

店:「呢部代理本身有咁多咁多回贈,係寄票畀你嘅。原價呢個價,你想幾多。」
我:「你知你可以開到乜價畀我嘅。你都知我知乜價嘅。你知我想畀錢買嘅,而家等你做埋最後一步啫。」

店員查一查電腦,再按一按計數機,最後問一問經理。確定之後,他就將計數機顯示屏向我展示。

店:「同你諗嗰個應該好接近。」

大家互望互笑。我馬上取出EPS……
呢啲咪幫到我囉。

賤價的知識

買了那本叫The Economics of Money, Banking, and Financial Market 的書。

原本想,算吧,連運費才約60RMB,應付了課程的需要,看過便算。

今天拿來看,先看目錄

導言

1. 為什麼研究貨幣、銀行及金融市場

2. 金融體系概覽

3. 什麼是貨幣

金融市場

4. 理解利率

5. 利率行為

6. 利率的風險結構與期限結構

7. 股票市場、理性預期理論與有效市場假定

金融機構

8. 金融構的經濟學分析

9. 銀行業與金融機構的管理

10. 銀行業:結構與競爭

11. 銀行監管的經濟學分析

12. 非銀行金融機構

13. 衍生金融工具

14. 金融行業的利率沖突

中央銀行與貨幣政策橾作

15. 中央銀行的結構與聯邦儲備體系

16. 多倍存款創造和貨幣供給過程

17. 貨幣供給的決定因素

18. 貨幣政策工具

19. 中央銀行的職責是什麼?貨幣政策目標、策略和戰略

國際金融與貨幣政策

20. 外匯市場

21. 國際金融體系

貨幣理論

22. 貨幣需求

23. 總需求與總供給分析

24. 貨幣政策傳導機制的實證分析

25. 貨幣與通貨膨脹

超過600頁,內容豐富且實在,才數十元的價值。邊讀邊想:「不是吧,才數十塊,雖然市況不算好,但這些知識也不是什麼殘貨,究竟發生什麼事?」

2010年9月16日星期四

再接再厲

早前所買的種子,雖然全部都發芽,但出芽後,最多約10多日都死了。

今天再接再厲,繼續播種,希望他們長命一點……


墨西哥椒



白茄子






鵝河菊



虞美人

2010年9月14日星期二

從根本出發

城市人總是想速食,所以什麼「2010年好股推介」、「如何拍得大師級作品」等書,最受人觀迎。

想當股神,但不想了解金融市場、什麼是貨幣、什麼是資金成本、什麼是帳簿;相當神級龍友,但不去明白光、快門、光圈、感光值。

女人說,化妝要從根本出發,所以好的粉底是重要的。那麼,投資其實那一樣吧!

從根本出發,不是看什麼「2010年好股推介」、「揀股速成攻略」……

其中一本本人推介的書,就是Mishkin的 Economics of Money Banking and Financial Markets

Amazon (英文版)
(Link)




Amazon CN (簡中版)
(Link)

2010年9月13日星期一

好日子

為何結婚要揀好日子???


呵呵!!

是因為可以讓你有長久的婚姻??




是因為可以讓你兒孫滿堂??




是因為可保你當日不會橫風橫雨,把婚紗吹起??






還是因為那天的人都會豪氣一點,無論在喝酒和送禮都那樣??



……可能是……



因為那是你一生中最後的一天好日子




日子真的不太好,就抽根「好日子」解解愁悶……

2010年9月12日星期日

80年代

看過一些80年代的廣告後,很懷念那種感覺。
面對回歸,人心惶惶,那煙煙酒酒,醉生夢死,卻是另一氣象。



(此時此地 屬於我哋)

我深愛你 見你望你即刻個心好歡喜 What can I say? 想你念你一於變為好知己
我狂愛你 與你共你相識相交香港地
What can I say? 一聲我愛你!(啱時啱地啱飲 生地啱晒我哋)

有我有你衷心愛你 日夜都緊記 有理無理偏偏愛你 天冧都懶理
What can I say? 一聲我愛你!(啱時啱地啱飲 生地啱晒我哋)

What can I say? 生力啱晒我哋!