2009年1月30日星期五

Dry Martini

很久沒有外出喝酒。今天下午,我點了一杯Dry Martini。

看似是高興的二人聚會,應該喝 Pina Colada 或 Margarita,至少感覺會好一些。

不過,我正為一個很複雜的問題而煩惱,就是「妻子」是「家人」還是「情人」?

不要答我兩者也是。任你如何想,都不會幻想到可以跟你的「家人」談情吧!

今晚可再多來一杯 單一麥芽威士忌加冰,讓我找到答案。

音樂 - 隨身音樂

Sony 曾是隨身音樂的領導人。以住大家所叫的Walkman, Dicsman,跟本就是Sony 所註冊的商標。Panasonic, Awia等公司都只能叫 Portable Cassette Player, Portable CD Player,而不能用Walkman, Discman。不過,香港考試局當時的考試指引,就指示考生不能使用有收音機功能的「Walkman」,在英文聆聽試中接收訊號,這意味各考生可以用其它非Sony的收音機隨身音樂機來考試。

我要強調:「只有這樣白痴的考試局才有這樣白痴的學生。你們的所作所謂,都要負責的。」

從Walkman, Discman 到 MD Walkman,Sony 都是市場上的大哥。不過到了mp3的年代,卻是apple 擔正主角。現在就算是車內的機頭、家中的音響放大器,都會有iPod連接頭,什麼都要配合iPod才有市場。

返回隨身音樂來。現在大部分手機都能聽mp3,因此買mp3來聽歌的人亦少了。隨身聽音樂,簡單者除了手機外,也不外乎是用iPod等所謂mp3機。

用手機聽歌,音質好極有限。
用mp3機的話,追求音質者,iPod絕對不是首選。長話短說,若有人拿起iPod配上我所提及過,價值3000.00的Shure ec530耳筒,聽他「單撈」來的192kbits mp3,然後說自己對音質如何執著,你至少可以在心裡想:「你食屎喇。」當然你也大可以兜口兜面問佢:「Sennheiser ie8 同 shure 有乜分別,你又多唔多玩 akg?」旁敲側擊起佢個底。無論佢答唔答到你,你都有一句必殺後著,就係腰到應嘅一句:「乜mp3音質好過PCM咩?」

iPod 多人用,但多人用嘅嘢就唔代表音質素。有留意呢方面嘅人,都會知iPod的音質級數去到邊。

若然有人用Gigabeat, Iriver, Iaudio,咁就應該有啲料到。進一步嘅話,就再睇埋佢嘅耳筒,係唔係類似Sennheiser, AKG, Audio Technica 等等,咁就可以進一步肯定。當然,佢可能都係經朋友介紹而買,佢自己乜都唔識。


當然唔係個個聽歌都要求好音質,但我最「開心」就係見到啲人用iPod配貴耳筒聽翻版mp3,然後強調自已幾咁有音質要求,幾咁有生活品味。我開心,係因為個把口又多一件「玩具」。

2009年1月28日星期三

音樂 - 音樂儲存及格式

黑膠唱片將音樂紀錄及保存的方式揭開了新一頁。

流行的音樂紀錄方式包括黑膠唱片、錄音帶、鐳射唱片、MD等;若果係Hi-Fi玩家嘅話仲應該會知道有樣嘢叫DAT, dcc, SACD等。

無論用乜嘢方式儲存檔案,其實當中都包括兩樣嘢,就係儲存介質同格式。

到咗而家,大家都唔會再再理會儲存方式入面嘅格式,例如CD, DAT 係用PCM、SACD就係用 DSD、MD就係用ATARC。

理論上,CD都可以行DSD,而事實上其後發展嘅MD係可以行PCM,Hybrid 嘅SACD亦係行PCM。

個道理就好似你可以將一個文件製作成txt, word doc, pdf,又可以scan 做 tif, jpeg,呢個就係格式。呢一個file又可以儲存響你個harddisk,你又可以燒落CD,又或者你放入手指入面。


到咗而家,大家都應該唔會唔知乜嘢係mp3。經過多年發展,mp3已經係一個極高支援性嘅檔案。你部電部係行Windows XP 加Windows Media Player嘅話,一定開到mp3。而家無論係手機、所謂嘅mp3機、DVD機都能夠play到mp3。

除咗mp3外,仲有其他唔同類型嘅格式,包括wma, lossless wma, aa3, aac, ra 等等。

講返mp3,其實mp3跟本就唔係一個理想嘅format,因為佢係會將音樂有破壞地壓縮。無論你係用128kbit, 256kbit, 320kit ,都一定唔會高過原本CD嘅質素。mp3係會將好多聲音資訊消除,好多假設人耳唔係咁聽得到嘅聲音都會無咗。

若然大家經常強調對音樂質素有要求,會大大聲聲話畀人聽你會用shure SE530嘅話,請大家順便用CD/DAT聽歌,一係就將CD轉做wav,即係CD原本嘅PCM format。

我唔係話PCM 係一個好出色嘅格式,但至少一定唔會差過mp3。只要用digital來記錄音樂,就一定有loss。

我見過大把人,聽mp3但係用shure 耳筒,以為自己好識聽歌咁。聽mp3嘅話,我畀唔到一個理由我買一對過$500嘅耳筒。呢個世界好多白痴仔,隨街都見到一班。

想知mp3 同 PCM有乜分別,自己將同一隻歌分別以 mp3同wav錄落你部mp3機度,自己聽幾次,就會發現好大分別。就算你唔係乜HiFi耳,都會聽到兩樣係好唔同嘅嘢。

2009年1月26日星期一

音樂 - 音樂版權



林夕剛在頒獎禮上說過:「聽歌係最好的娛樂。」我對此十分認同。
我們總不能在沒有付出下享用別人的成果,因此我經常建議大家買唱片。
真的沒有金錢,那就少買一點衣飾、少吃一點零食吧!
我還是這樣老套,會去買唱片的人。由於家中面積太小,因此唱片都將放不下來。不過,只要我還會聽新歌,我就會買唱片。

我曾聽過有人對我說:「洗乜買吖!上網download 大把喇。乜你唔識咩?」
「你幾時開始用電腦?」我問。
「中五。做乜咁問?」她答。
「無嘢。你知唔知乜嘢係PNETS?」(我心諗,我大你八年。我中一玩電腦,中四上網就起FTP同人交換嘢,每個月畀PNETS 都畀過千,你同我講download?我用電腦時,你隨時仲食緊奶。)
「係唔係以前用來交換嘢,類似foxy嘅嘢?」她問什麼是PNETS。
「類似喇……」


我真係想同佢哋講,我唔係唔識download,只係我尊重人啫,乜你阿媽阿爸無教你唔好偷嘢咩?

若依據唱片的license agreement,大家就算買了碟,都不能複製,即大家都不能將唱片內的歌曲轉作電腦格式。不過,當大家都不買唱片時,有人會買唱片,然後過落電腦或者mp3機聽,佢哋都已經多謝你都嚟唔切。(各唱片公司,快啲多謝我喇!)


當母親節時,你或許會跟媽媽唱一首《真的愛你》、《MaMa I Love You》,答謝她每一天勞心勞力地為服侍你們……

當公開考試期時,你或許會聽一首《強》,讓自己堅持下去,為明天的考試作最後衝刺……

當你表達你的愛意時,你或許會用《有著你…多麼美》,來贏得美男歸……

當你在某一天於街角上遇到舊情人時,你或會在回家後聽一首《對不起 不是你》來釋放心裡的痛……

當你在利用他們的時候,那他們呢?那些作曲、填詞、編曲可以怎麼樣?
給他們一點支持。尊重自己,尊重別人,多買一些唱片,少下載一些歌曲。

2009年1月25日星期日

張國榮

當年香港其中一間大型本地唱片公司就是華星,旗下男有張國榮、女有梅艷芳。

張國榮其中一隻大碟為名同大碟《張國榮》。
這是我其中一隻 all time favourtie,唔洗set program 可以順推落去聽晒成隻碟。
除咗歌之外,佢個封面亦都好得。紅色西裝,當然應該唔多人敢著。



歌曲
01. 愛慕 **
02. 迷惑我
03. 情到濃時
04. 隱身人
05. 當年情 **
06. 愛的抉擇
07. 有誰共鳴 **
08. 烈火邊緣
09. 愛火 **
10. Crazy Rock
11. Miracle (麥潔文) **

**為本人推介。