有人話，你點揀老婆，唔多唔少係同你媽媽係點有莫大關係。我有少少信，但係又無乜實質例子肯定，因為我可能好認識身邊的人，但對他的媽媽就唔好了解；對佢女朋友或老婆又無乜認知。
以前細個想食乜，就同阿媽講；而家放工想食乜，就同老婆講。以前細個返學前會問阿媽：「我對襪唔見咗呀，知唔知喺邊呀?」相同的說話，可能在十幾年後發生，男主角一樣，劇本亦一樣，只是女主角換了人選。
小時你在學校有事發生，你總怕跟媽媽說；大了在社會出事，相信先找朋友的次數亦同樣比找太太的次數多。同樣，無論任何時候，你都會對你朋友說：「唔好爆畀我阿媽／老婆知呀。」
不過記住，你可以同你媽媽討論你外母點煩點衰，但同時間絕不能同你老婆講你出面的另一個女人點要錢點困身。(所以話呢；世上只有媽媽好。)
老婆總愛問，若果我同你媽媽一些跌落海，你會救邊個先。我一定答：「係?乜你咁睇少你老公。我咁叻，一定兩個都救得晒。乜你對自己眼光咁無信心呀?」跟住很有自信地笑，抱實我老婆。
2008年3月28日星期五
數碼相機
近幾年買數碼相機的人多起來。
對比現在，以往影相確實是很不方便的事。未影相前要買菲林，入菲林又怕走光，對唔正菲林圈牙又會過唔到片。到事前準備好晒，到影相時又提心吊膽。影一、兩張又怕影得唔好；影得多又怕燒菲林。影完36~38張後，又要等回菲林。小心呀！心急打開個菲林背又會走光。影完相，心急想睇，我個人最快紀錄連沖連晒都要32分鐘。
回想以往，就知而家影相有幾方便。因為方便，所以收碼相機就興起。我記得以前好多屋企都係得一部相機。大家唔係好旅行或者前舊朋友，都唔會帶相機出街。仲有，以前部相機可以用好耐，5~6年都唔會買過部新。其實絕對唔係因為以前的相機特別耐用，只係一年都用唔到五次，唔多用就唔多壞，況且好多時壞都是跌壞。你放櫃入面跌壞的機會接近零。
而家屋企可能有幾部數碼相機(未計電話相機)，阿爸阿媽合共一部，仔仔女女可能最少有一部。
老豆通常用Sony, Nikon，個仔就用Canon，個女就用Panasonic。之後老豆就會多部Canon，然後個仔就會買部Canon DSLR；個阿媽再多一部Panasonic，因為個女買部新的Fuji。同樣都係一部算係耐用的相機，但就兩年換一部。另外，屋企會有由16MB 到 4GB，由SmartMedia 到 SDHC，不同大小及格式的「數碼菲林」，同埋可以支援不同格式及大小的USB「數碼沖晒機」。
我有留意到，後生仔都唔多鍾意晒相，通常都係放入電腦入面。有首尾的人就會分好類，而且定時Backup。那個名為「我的圖片」或「Photos」的Folder，就是他的日計或周記。不過中年人，就算係用數碼相機，都好少放入電腦而唔晒相，就算係識用電腦都係咁話。佢就總係要有嘢在手先至安樂，通通晒出來或者自己在電腦印相紙，然後delete記憶卡入面的相。
「後生仔，學吓老人家咁自己Print相後就delete晒張Memory Card，咪唔會流晒出去畀人睇囉。」
經常有人問我買邊問相機好。其實最後問完我買什麼，最後都係畀Sales水。(以下內容絕對真人真事)
「我唔建議你買呢個牌子，但你買都等新Model出，佢而家的一部好有問題。」最後個女仔都係買咗，然後都係會打畀我問我點解決相機的先天問題。
「試吓Olympus囉，真係唔差，又防水。用唔用xD無所謂，而家Card Reader乜Card都讀到啦。」最後個女仔聽到個Sales話Olympus跟本唔識出光學產品，而被游說去買Casio。人地Olympus係生產內窺鏡的最大公司之一。唔係話佢出內窺鏡一定係做相機好，但就一定唔會係唔識出光學產品的公司。
「你份工成日都要影相，又唔想同人爭機用，想自己買部平機。咁去買部Fade-out 機，千頭有交易，保養一樣有一年，粗用最好。你一日影咁多張，用Fuji幾好，影完唔多洗點執點推，即刻insert 入word 交report，做少好多。」最後雖然係買Fuji，但就用咗成三千銀買部新Model攞返公司用，因為個Sales話舊Model會無保養，真係咁都信。
個人推介輕便機品牌(最先者最建議)
Fuji 細機計真係幾好，何況而家個款仲好咗
Panasonic 四平八穩，簡單易用
Olympus 若果佢耐用性改善的話，我估我會排佢上第二位，但顏色就真係100分
Canon 我最鍾意介紹人用，因為唔好唔會話我。我介紹佢用上Fuji 或 Olympus ，好又唔會多謝，唔好又話我。
至於單鏡機，若果唔係有鏡頭在手的話，強烈建議Olmypus E-3
若果唔係我有幾支Canon鏡，屋企實多一部玩具 (早知今日，何必當初)
對比現在，以往影相確實是很不方便的事。未影相前要買菲林，入菲林又怕走光，對唔正菲林圈牙又會過唔到片。到事前準備好晒，到影相時又提心吊膽。影一、兩張又怕影得唔好；影得多又怕燒菲林。影完36~38張後，又要等回菲林。小心呀！心急打開個菲林背又會走光。影完相，心急想睇，我個人最快紀錄連沖連晒都要32分鐘。
回想以往，就知而家影相有幾方便。因為方便，所以收碼相機就興起。我記得以前好多屋企都係得一部相機。大家唔係好旅行或者前舊朋友，都唔會帶相機出街。仲有，以前部相機可以用好耐，5~6年都唔會買過部新。其實絕對唔係因為以前的相機特別耐用，只係一年都用唔到五次，唔多用就唔多壞，況且好多時壞都是跌壞。你放櫃入面跌壞的機會接近零。
而家屋企可能有幾部數碼相機(未計電話相機)，阿爸阿媽合共一部，仔仔女女可能最少有一部。
老豆通常用Sony, Nikon，個仔就用Canon，個女就用Panasonic。之後老豆就會多部Canon，然後個仔就會買部Canon DSLR；個阿媽再多一部Panasonic，因為個女買部新的Fuji。同樣都係一部算係耐用的相機，但就兩年換一部。另外，屋企會有由16MB 到 4GB，由SmartMedia 到 SDHC，不同大小及格式的「數碼菲林」，同埋可以支援不同格式及大小的USB「數碼沖晒機」。
我有留意到，後生仔都唔多鍾意晒相，通常都係放入電腦入面。有首尾的人就會分好類，而且定時Backup。那個名為「我的圖片」或「Photos」的Folder，就是他的日計或周記。不過中年人，就算係用數碼相機，都好少放入電腦而唔晒相，就算係識用電腦都係咁話。佢就總係要有嘢在手先至安樂，通通晒出來或者自己在電腦印相紙，然後delete記憶卡入面的相。
「後生仔，學吓老人家咁自己Print相後就delete晒張Memory Card，咪唔會流晒出去畀人睇囉。」
經常有人問我買邊問相機好。其實最後問完我買什麼，最後都係畀Sales水。(以下內容絕對真人真事)
「我唔建議你買呢個牌子，但你買都等新Model出，佢而家的一部好有問題。」最後個女仔都係買咗，然後都係會打畀我問我點解決相機的先天問題。
「試吓Olympus囉，真係唔差，又防水。用唔用xD無所謂，而家Card Reader乜Card都讀到啦。」最後個女仔聽到個Sales話Olympus跟本唔識出光學產品，而被游說去買Casio。人地Olympus係生產內窺鏡的最大公司之一。唔係話佢出內窺鏡一定係做相機好，但就一定唔會係唔識出光學產品的公司。
「你份工成日都要影相，又唔想同人爭機用，想自己買部平機。咁去買部Fade-out 機，千頭有交易，保養一樣有一年，粗用最好。你一日影咁多張，用Fuji幾好，影完唔多洗點執點推，即刻insert 入word 交report，做少好多。」最後雖然係買Fuji，但就用咗成三千銀買部新Model攞返公司用，因為個Sales話舊Model會無保養，真係咁都信。
個人推介輕便機品牌(最先者最建議)
Fuji 細機計真係幾好，何況而家個款仲好咗
Panasonic 四平八穩，簡單易用
Olympus 若果佢耐用性改善的話，我估我會排佢上第二位，但顏色就真係100分
Canon 我最鍾意介紹人用，因為唔好唔會話我。我介紹佢用上Fuji 或 Olympus ，好又唔會多謝，唔好又話我。
至於單鏡機，若果唔係有鏡頭在手的話，強烈建議Olmypus E-3
若果唔係我有幾支Canon鏡，屋企實多一部玩具 (早知今日，何必當初)
訂閱：
文章 (Atom)
訂閱
文章
所有留言