2009年1月23日星期五

生命計時器

或許這是人類的忌諱,所以人都總不太想提及死亡,而且亦較少正視死亡。由於農曆新年將至,因此我亦提早發布這篇短文。

有幸在寶山內的其中一個課程是討論生死的。
首節課堂,教授跟我們說:「我父母給予我很精采的生命,但同時他們亦給予我一個未來的「死亡」。只要我們一出生,那個死亡的計時器就會開始倒數。沒有人能拒絕戴上這個計時器,而且計時器亦不到我們控制。至於是由誰控制,不同的人會有不同的意見,這個不是我們討論的題目。」

我們雖然無法控制計生命計時器,但我們都應該好好計劃人生,否則當你知道計時器就快歸零時,你會後悔你有很多想做、想試、想玩的東西或事情都無法完成。

求什麼

瞓醒過後,昨天的事都只是夢一場。既然如此,又為什麼對事情有那麼多擔心。

就算什麼都沒有,生命還在便已很好了。

2009年1月22日星期四

沒有失戀

「沒有失戀的,你只可以說是停戀。你跟他活得高興的回憶,永遠都在你心中,永遠都不會失去。你停戀後,將那些記美好的回憶都忘記得一乾二淨,那才是失戀。到你失去了那些美好的回憶時,你才應該痛哭一場。」

2009年1月18日星期日

養壞個仔要四球

(先指聲明,下列內容為保持原汁原味,粗口橫飛,同而家立會陳議員講嘢用字無乜分別)

生個仔出來,總想個仔生活好一點。雖然我未有如此福氣,但若果有我就反返轉,想個仔辛苦啲。

我老豆嗰一代人(我指係嗰一代整體情況,唔係淨係講我屋企),六、七個兄弟姊妹迫埋一間房,入小學就要幫屋企手賺錢,咪有係咁樣大。我有問過我的老細,佢同我老豆差唔多大。佢話:「咪又係咁x樣生活。以前有兄弟姊妹,仲開心。老豆老母唔x響度時,大家姐咪係第二個老母,我哋唔讀書咪打x到我地飛起。佢做埋老母嗰分,咪一樣讀到書,仲差啲就讀到大學,係屋企無錢供佢,佢咪要出嚟做嘢,幫屋企手供我哋讀書。」

「咁佢咪好x灰?」

「佢而家都讀完Master九世喇。有心讀,點會有得讀,香港好x公平。三哥出身後,佢咪有錢囉,之後咪有讀到。而家啲細路都無x心機讀書。世界好,唔知辛苦,屋企大爺咁x樣。我得個獨女,中四喇,乜都唔x諗。早知我就唔好咁縱佢,等佢知道世界艱難。」

類似嘅故事,我從我老豆口中都有聽過。

「以前阿爺個邊個邊個朋友,我都識,你細細個都去過佢屋企。其實佢好x有錢,但佢生咗個仔後,怕個仔會畀錢縱懷,所以由大屋搬細屋,又賣埋架車,等個仔無乜物質享受。佢就堅呀,為x咗對仔女,真係捱足廿年無得享無得玩,就係想對仔女知道世界唔易撈。佢對仔女最後都好x生性,完全唔二世祖,兩個都出生得好,自己搵到,阿爺啲生身家兩個唔都願爭,個老豆死得眼閉呀。」