「有線寬頻主席吳天海表示，公司在今年會全面為客戶更換新一代解碼器，以解決非法盜看問題及提升收看節目質素；有線電視亦已為今年第四季推出高清電視節目而作出準備，現在正逐步加入高清節目內容及提升傳送技術；此外，公司將準備推出第三代寬頻服務。」
今次睇吓你又會點玩先。斷估你都係會用nagravision，因為你無乜錢買貴嘢。你而家行嘅Nagravision 1 畀人破咗，而N2響美加又畀人爆埋，所以有線今次個鎖碼系統應該係N3。
以我所知，N3嘅破解難度極高，所有今次有線至少頂到3至5年。不過，最大問題係有線仲有無人睇。
文章
3 則留言:
>不過，最大問題係有線仲有無人睇
實有既﹐好老實我鐘意有線d 足球節目多過NOW之類。
當然我都無答案。
不過以我所知，佢嘅幾年個訂戶係咁跌。
我單響個技術層面睇，Cable 係廣播，所以點都好難防人「偷睇」，但NOW雖然係持有廣播牌照，但技術上係點對點，跟本就唔係廣播，所以技術上亦較容易防盜看。
而家嘅有線盜看已經好普級，一部機約600。據我所知，而家盜看並無以前咁嚴重，因為買到嘅渠道無以前咁多。
數碼化咗約7年，有線用嘅Nagravision 1技術都算係咁，用到07年尾先開始有人盜看。我估佢今次應該會用Nagravision 3，聽講話難破到不得了。美加已經開始用緊，個個都頭痕。
純收看足球﹐上網都得啦﹐乜都唔使裝。
發佈留言