萬千歲月如一夢

一年容易又過。

要派利是的，在此時此刻，差不多要準備兌換現鈔，此時或會心想：「咁又一年，又要派錢。」
有在一月生日的好朋友便會說：「諗完禮物無耐，又要諗，一年真係快。」
又可能有些改過自新的人會想：「出咗冊咁又一年。一出嚟都好驚社會唔接受，過咗一年而家都無乜嘢喇，做返正行都唔係咁差啫。」
返緊學嘅你，應該更有感覺，一年前仲大大聲聲話：「仲有成三百幾日畀我溫書。」而家應該驚到腳震，同時為公開考試倒數。

無論你呢一年做咗乜，做得好做得唔好，都唔洗太上心。一年容易又過，過過吓，好快就過咗人生嘅一半。好多時回想人生，最開心嘅時刻都係「少年荒唐」、「驚險時刻」、「衝動無知」等等的壞事情。

沒有傻的昨天，明天便沒有快樂的回憶。萬千歲月，也如夢一場。

一覺醒來，又是美好的一天。