家教

有人話而家啲細路較以前無家教。我唔敢講係普遍現象。

不過，我見過幾樣嘢，真係睇唔過眼。

1) 十幾歲都唔識用筷子。我個人認為係嚴重失禮兼無家教嘢行為。小學對手未夠力就話啫，到中中都用仲係唔識，點食飯呀。

2) 商場、酒樓周圍跑。撞到人仲當無嘢。最堅係個老豆老母，唔出聲都衰，鬧你嘅都有。

3)巴士、地鐵超大聲講嘢。有啲阿媽仲堅，同個仔鬥大聲，成車人都受苦。

4)畀個仔企上張櫈度睇風景。「細路仔係咁o架喇。」咁多答得出。

5)阿爸阿媽唔買嘢，打阿爸阿媽。 Toysrus 成日見到。

6)隨便開人雪櫃。我咁大個人，都係只會去一個識咗十幾年嘅朋友屋企，先會做呢樣嘢。

7)放本雜誌響度，唔問人就攞嚟睇。