2010年7月18日星期日

最低工資,倒不如力爭上游

點解一個洗潔工同一個洗潔科文,或同一個主管,響同一間你所謂嘅無人性公司工作,都有唔同人工呢?

我記得6年前我做某行業時,一個清潔嘅人工係4800、科文嘅人工係7800、主管嘅人工係10200。

呢一個唔係報標價,係實袋價。報標價係5500、8600、11000。

同一分清潔工,同樣係「12碼」,即係做足12個鐘,有啲3800,有啲4800,有啲6000都有,又點解呢?

點解升到上科文可以6日返9個鐘,升到主管仲可以返5日呢?時間少咗但係人工仲高咗?

當一個清潔返唔到工,無人會理佢,因為科文可以頂位,其他清潔工可以頂位。當一個科文無返,每日嘅清潔報表無人識簽,你叫啲清潔簽同跟,佢只要答你:「阿哥,我唔識字,嘻嘻,我識我唔洗做清潔喇。你打畀科文喇。」


*****************************************************************

啲人話最低工資係尊嚴問題,不過,我個人就認為,面係人哋畀,但架就係自己丟。

我都做過4000元9個鐘,只係我間無良公司硬係要升我,畀夠6000我,然後再畀7500我,但我跳一跳都9000,到最後轉埋行……

4 則留言:

小瓶子 說...

好赞成.

其实见到嗰班拿最低工资的大陆工人, 做野又唔负责, 连本份都做唔到, 真系宁愿炒左他们贵少少请番嗰好D既.

匿名 說...

最低工資與力爭上游, 前者關乎社會經濟, 後者涉及個人奮鬥, 兩碼子事不宜混為一談.

過內人 說...

在個體而言,絕對可以相提並論。

收買佬 說...

生日快樂!!~~