黃、賭、毒

所謂的三害，就是黃、賭、毒。不少人都想在這三害上作排名，似乎至今仍沒有一個普遍的排名。昨天有聽到有關的討論，那時無聊的我，加上了討論，亦發表了意見。

我認為，要就三害作排名，必須有一定基礎，因此亦就不同的角度分析三害。

金錢
黃 < 毒 < 賭

就算你是十八廿二的壯男，什麼一日七次、每一日出……你也有極限。 平者幾百文；貴者幾十萬……都係女人一個。我就未聽過有草根走去玩明星，亦都未聽過叫雞叫到破產，始終同毒唔同，真係頂唔順都可以自己解決問題。
當然，有可能係畀女人坤錢，不過呢個已經唔係「黃」先有嘅問題，唔好彩嘅話，你女朋友、老婆、阿媽、阿女唔生性，一樣可以坤你水。

吸毒者窮，因毒品貴，而且頂唔到癮唔食唔得。 道友偷人錢偷屋企錢，為咗買嘢食，乜都做得出。 不過，若果你屋企有，或者你年薪過百萬，咁就真係好難食窮你，因為一次過食得多會即釘，所以你吸毒，都唔會令你一夜之間，銀行乜都無。 好多藝人都有吸毒，對佢哋嚟講，應該再吸多十幾年都唔會爆廠。

賭就快喇。除非你係職業賭徒，否則輸多過贏。曹達華就講：「想起1964年那段日子，將自己所有現金、物業、兩間片場、一間戲院、尖沙咀兩個住宅單位，全部輸掉，加起來計算，到今天約值三億三千萬。」

健康
賭 < 黃 < 毒

賭就無乜聽過話健康唔好。

黃呢家嘢，玩得多就實身體唔好，一個唔該你又唔用袋，輕則中招，重則AIDS。

毒就唔係喇，K仔、白粉、丸仔、可卡因，樣樣都衰。你叫雞次次戴袋都未必一定中招，但你吸毒，就一定有事，呢樣較為清楚。

事業
黃 < 賭 < 毒

好少聽話叫雞叫到唔返工，因為叫一次雞時間又限，你神童都搞唔到10個鐘。更可況，都應該好少人會日日叫雞，一個月叫足30日。叫完雞，聽日返工又唔係會影響工作，就算會，你唔叫雞，但同老婆／女朋友搞得多，一樣會。

賭方面呢，若果你係職業賭徒，你唔賭就無飯開，所以唔賭反而影響工作。你成日輸，應該會更加努力工作，因為你好多數響身，唔做無錢還、無錢賭。所以賭得都好做得。就算你博命，都唔會成日賭到唔返工。

毒呢。佢無直接影響你工作，上電好快，爆都係爆你幾個鐘。最大問題就係因為影響你健康，令你做唔到嘢。