電視(五)

其實而家嘅電視，標準都會有一個模擬廣播的接收器，所以大家一買部電視，接上天線，就已經可以睇到電視。不過由於數碼擴播係另一個廣播標準，所以市面上絕大部分電視都唔會配備數碼接收器，咁大家就需要一個機頂盒。

所以，無論係薄電視定傳統CRT電視，同接收數碼廣播都無直接關係，而最重要係你部電視有無配置數碼接收器。

至於4:3同16:9的問題，其就你就算用4:3電視睇，都可以睇16:9畫面，只不過上下有黑邊；16:9電視亦可以睇4:3畫面，只係左右有黑邊。

仲有，你o個區有數碼廣播覆蓋，只係代表有發射站建於你住嘅地區，但你都要有數碼接收機去接收數碼訊號。只係若果無數碼廣播覆蓋，就算你有部數碼接收機都得物無所用。