2008年12月26日星期五

十年

作為一個社群中年紀較大的一個,社群內的其他人總希望在我口中得知有關他們未來的事。事實上,我並不是一個先知,只不過我走過他們走過的路,或者我的人生經驗比他們更多,所以,他們都喜歡問我。當然,我不是完全知道所有事情,但我都會盡力為他們解答問題。

其中一個最常被問到的問題就是「我三十歲之前會唔會結到婚呢?」

對於有關相類似的問題,我只有一個答案。

「你畢業應該22~23歲,然後你唔會咁快講結婚,因為你要搵工。咁你做嘢,頭1~2年都係無乜錢,而且你工作又未叫穩定,我斷估你唔會夠膽24~25歲就結婚。我當你25歲開始啟動你嘅結婚工程,咁你搵一個拍2~3年,睇吓你同佢可唔可以一齊生活,差唔多就27~28歲。我會祝你嗰個係你如意郎君,咁就28歲結婚,就算唔係都係等多1~2年唔係嘅話,30歲前都無問題。」

「咁第一個唔得咪死?」

「咁又唔洗死……灰啲啫!十年,好快就過。你過咗兩次,三分之一,到你過咗三次,咁就係一半。六個十年,容乜易。六個十年,你好命嘅仲有一、兩個十年畀你等死。」

5 則留言:

小瓶子 說...

D 人做乜甘想结婚?

收買佬 說...

唔X係呀﹖結婚都要請教人﹖我當年問d 老鬼﹐都係只問職場事乍。

過內人 說...

小:
乜你好唔想咩??

收:
兩樣都有問。

南蠻人 說...

你咁講嚇死班細路...

過內人 說...

唔會。

畀佢哋早啲知咪仲好!!

人,有6個10人咪算好囉,好多人2、3個就去咗第二度。