2009年1月18日星期日

養壞個仔要四球

(先指聲明,下列內容為保持原汁原味,粗口橫飛,同而家立會陳議員講嘢用字無乜分別)

生個仔出來,總想個仔生活好一點。雖然我未有如此福氣,但若果有我就反返轉,想個仔辛苦啲。

我老豆嗰一代人(我指係嗰一代整體情況,唔係淨係講我屋企),六、七個兄弟姊妹迫埋一間房,入小學就要幫屋企手賺錢,咪有係咁樣大。我有問過我的老細,佢同我老豆差唔多大。佢話:「咪又係咁x樣生活。以前有兄弟姊妹,仲開心。老豆老母唔x響度時,大家姐咪係第二個老母,我哋唔讀書咪打x到我地飛起。佢做埋老母嗰分,咪一樣讀到書,仲差啲就讀到大學,係屋企無錢供佢,佢咪要出嚟做嘢,幫屋企手供我哋讀書。」

「咁佢咪好x灰?」

「佢而家都讀完Master九世喇。有心讀,點會有得讀,香港好x公平。三哥出身後,佢咪有錢囉,之後咪有讀到。而家啲細路都無x心機讀書。世界好,唔知辛苦,屋企大爺咁x樣。我得個獨女,中四喇,乜都唔x諗。早知我就唔好咁縱佢,等佢知道世界艱難。」

類似嘅故事,我從我老豆口中都有聽過。

「以前阿爺個邊個邊個朋友,我都識,你細細個都去過佢屋企。其實佢好x有錢,但佢生咗個仔後,怕個仔會畀錢縱懷,所以由大屋搬細屋,又賣埋架車,等個仔無乜物質享受。佢就堅呀,為x咗對仔女,真係捱足廿年無得享無得玩,就係想對仔女知道世界唔易撈。佢對仔女最後都好x生性,完全唔二世祖,兩個都出生得好,自己搵到,阿爺啲生身家兩個唔都願爭,個老豆死得眼閉呀。」

6 則留言:

Betty 說...

现在D 细路, 你一打X 佢, 马上识得报警拉你哦...跟住有批记者/社工/儿童心理学家谱晒D七头出来, 以前边度会吖? 以前唔好话比老豆打, 比老师打0米都系ei都无ei 过?

另, 你老啦, 开始"想当年"啦....

收買佬 說...

打同寵﹐對細路都係無用的。

又﹐答番你﹕小兒未係100%康復﹐因此一定會有番d reserve ﹔至於入市買股﹐家陣就免了。我唔喜歡明知衰實都去馬﹐更唔喜歡將d 錢送俾班大鱷。(我拿去飲飲食食唔好﹖)

因此﹐我一定唔會學你0甘勇啦

過內人 說...

有健康理由,咁當然唔同喇。

我暫時仲未有細路,當然想博一博,買單車贏摩托喇。

收買佬 說...

大佬﹐與其倒錢落海餵大鱷﹐我真係情願養壞個仔。:)

過內人 說...

你都話你唔會寵,咁你都唔洗怕個仔會壞喇。

有啲唔係o架,搞到個仔成個大爺咁。

寶妮 說...

其實我覺得...
做父母的識得拿捏分寸便可...
有錢人, 有教養的, 勤力的, 生性的都有好多...
個仔太辛苦, 亦好易會令佢唔平衡架!