2009年4月5日星期日

人與工具

似乎廣告已某程度地令人高估工具的威力。

我在這個極繁忙的一星期為六個人選擇相機。我非常不願意花這些時間,但他們都不斷詢問。我承認我很怕煩,特別怕女人煩,所以最後我都為他們提供意見。

無論任何一個詢問者,都似乎抱持一個古怪的心態,就是「用勁機就可以影靚相」。他們的問題包括但不限於: (本人回答)
「邊部機影相靚」 (係你影唔係部機影,你識影就靚)
「我唔識影相,邊部機可以影到靚相」 (你識影,部部機都有咁上下靚)
「單鏡反光機影相係唔係靚啲」 (你唔識用,仲衰過用傻瓜機)
「貴嘅機影相係唔係靚啲」 (你識影,貴嘅機先會影得靚啲)

每個問我類似問題嘅人,我都會再答多一句:「不如你搵一部你唔洗按快門,佢自動幫你搵埋靚嘢自己開埋快門幫你影相嘅相機,咁你咪買嗰部相機咪得囉。」

影相嘅大前題係「你」。要你識影相,部機先影到靚相。好多人買部成萬蚊嘅單反,然後就以為咁樣影相,就張張相都靚。不過,佢哋連光圈用嚟做乜都唔知。

最令人難過的是,上述要我提供意見的人,沒有人願意聽我的意見,買一本「攝影初階」來看。


其實類似嘅問題,唔淨只買相機。

好多人以為買一部貴嘅電腦,做功課會高分啲。 (內容才是關鍵,可況寫essay 根不不需要機快)
好多人以為買一部快嘅跑車,就一定快過人。 (你唔識高速轉彎,你都唔會快得去邊)
仲有鞋、刀、鑊、keyboard、桌球Cue、筆、汽槍、茶具、電轉……

漸漸地,人已變成了手段,工具才是真正的目的。

3 則留言:

南蠻人 說...

是人太想即食,不肯下苦功。

小瓶子 說...

我买左本书,睇左啦...但种未去买机....

收買佬 說...

一分錢一分貨

但唔係人人都用得著靚野勁野﹐唔夠料去用勁機﹐隨時仲衰過用屎機。