上海兩天

2009年新一季一級方程式賽3月尾展開，本周已踏入第3站賽事，即中國上海分站。

小弟死慳死抵，精打細算吓，終於度到水腳去上海一轉，17晚上19晚落，寄居老友家中，慳得就慳。

親身觀戰的我，最希望有以下事件在我眼前發生。

1) 破世界紀錄嘅英國年青車手，會響領先之下最後一個圈撞車；
2) 紅車黑馬隊嘅芬蘭冰人車手，會成為最先衝過格仔旗嘅一個；
3) 唯一日本廠嘅任何一名車手，會響今個分站再一次企上櫈仔；
4) 同用豐田偈嘅德國靚仔車手，會繼續發揮出色表現狂噴香檳。

擴散器事件終於有一個了結。法拉利、雷諾等車隊明白到有錢唔係大晒，有腦先後係成功之道。布朗、豐田都威廉士都可繼續用佢嘅聰明設計擴散器；雷諾叫今站可以試用新設計。另外，法拉利亦響今站對另一項新技術賽例作出行動，就係唔落KERS比賽，佢話KERS嘅穩定性仲未達標。

筆者寫緊呢一段垃圾時，首次練習亦完成，黑仔頓第一、布朗二人組2、3；老麥嘅冰島倫第4。