2010年3月10日星期三

有線正XX…

無線同亞視都無乜足球直播,到做新聞時就要問其他有直播權嘅台要片。

而家無論係英超同西甲,now 都會過片畀兩個免費台做新聞。不過,到周中歐聯比賽後,無線同亞視都唔會有片,點解,因為有線正XXXXX。

另外,有線點同國際足協簽約我唔知,可能佢的確有權唔將最乾淨的feed 賣畀兩間電視台,不過佢話一樣會播嘅(14台),根據政府所指,就一定唔係免費台,否則有線自己都唔洗走去申請免費牌。

世界盃只係序幕,因為2012年奧運都係有線買咗。我無記錯,奧運對coverage 的要求高同世界盃好唔同,到時若果有線申請唔到免費牌,又有人投訴去奧委會,咁就有可能有戲睇。

4 則留言:

vvip 說...

你唔係下哇 有線用咁多錢投反來 做咩要比無線播丫? 賺咁多都唔肯出錢投 抵唔比佢播.
你正式係 反智..

vvip 說...

你唔係下哇 ? 做咩要比無線播? 用咁多錢投 係你都唔會啦.無線賺咁多錢 做咩唔投 咪又係商業決定囉.唔好反智啦

小瓶子 說...

你系米得罪左D 颠人?

Hoito 說...

要求免費睇英超,免費睇西甲,免費睇世界盃,免費睇奧運,免費睇電視!抱歉,打錯,電視已經係免費。不如咁講,既然睇埋咁多廣告,要求向無線亞視收錢。睇免費電視有津貼!