孩子是這樣 長大的嗎？

黃天賜 都市博客：孩子是這樣 長大的嗎？

對於那小伙子的故事，我只能說，我們這一代盡力令下一代幸福，但過多的幸福把下一代蒙蔽，變得好逸惡勞愛享受。孩子如此，兩代皆有責任。

一對夫婦友人，復活節假期帶同老人家及十六歲的外甥到台灣墾丁旅遊，回來後，他倆跟我分享了外甥的小故事。

夫婦抵達墾丁首天，入住民宿，外甥踏入大門，見一隻蚊子飛過，大叫：「舅母，呢度有蚊，幫我開大個冷氣。」舅母問：「開大冷氣做乜？」「趕走隻蚊。」舅母問：「那你去開啊！」「我唔想郁。」

旅程中，還有八十多歲的老人家，夫婦早已租了一輛小車，由司機載同家人四處遊覽，欣賞風景，但每到一處外甥都不願下車，舅母問：「做乜唔落車？」「出面好熱。」舅母問：「那你來做乜？」外甥都不情不願地下車，但在烈日下穿上有帽長袖外套，因為怕曬傷皮膚。

晚上，他們入住一間老牌五星級酒店，酒店門外，外甥在問：「間酒店咁舊嘅？」舅父安慰回應：「入去睇吓先啦！外殼唔代表一切。」乘電梯登房間，外甥又問：「點解電梯好似有陣味嘅？」夫婦二人無奈。

酒店提供自助晚飯，一行人高興地準時入座，各自找喜愛的食物，一向愛吃的外甥，今回只選了少許食物，便返回座位，舅父覺得奇怪，以為他身體不適，問：「係咪唔舒服，食咁少？」「前幾日同媽咪食咗幾次自助餐，嗰度好多嘢食，有壽司、魚生同長腳蟹，呢度款式好少，無咩胃口。」舅父聽了，繼續無言以對，為怕虧本，只好自己多吃。

墾丁玩了兩天，一家前往高雄，舅父愛吃牛肉麵，見有牛肉麵的牌檔，建議大家一試，外甥說：「舅父，牛肉麵有咩好食，呢度無冷氣，食到成身汗。」舅父聽了，知道問題不在於牛肉麵，而是舖子沒有冷氣。

第四天，行程終於完結了。一家到達高雄機場，外甥打了一個長途電話給母親：「媽咪，我同舅父喺高雄機場，返到香港係唔係坐的士返屋企？」掛線後，外甥破口大罵：「白癡！浪費時間。」舅父問：「咩事？」「媽咪叫我坐巴士再轉的士。」「咁有咩問題？」「係機場搭巴士要搭成個鐘頭，再轉的士，差不多個半鐘先返到屋企，係咪白癡兼浪費時間吖？點解唔畀我係機場坐的士返屋企呢？」舅父諷刺說：「你呀媽真喺白癡，因為佢出錢畀你去旅行。」外甥聽了，輪到他默不作聲。

故事說完了，他倆問：「這一代是如此嗎？今天的大學生是怎麼樣？」我說，十六歲的我，只能幻想坐飛機，能夠有機會跟父母坐火車回鄉已高興不過了。

對於那小伙子的故事，我只能說，我們這一代盡力令下一代幸福，但過多的幸福把下一代蒙蔽，變得好逸惡勞愛享受。孩子如此，兩代皆有責任。

黃天賜
香港浸會大學新聞系講師

若多一些這類人也不錯的，至少我不用擔心「長江後浪推前浪」。老老實實，非親非故，我理得你10歲仲要工人或者阿媽幫你著鞋，又或者20歲仲係阿媽每日幫你揀好晒底面衫褲放響你床尾等你返大學著，最緊要你唔好阻住我搵食，同時又確保我真係好唔掂時，仲有一百幾十個呢啲低能仔畀我坤吓水吓。

對於上述那位小朋友，真係懶到咁，不如你叫你老母幫你打埋飛機吖，甚至乎吹埋都得，若果你咁鍾意舒服。

上述說話並不誇張，香港真係有至少一個Case，一個單親媽媽習慣性地幫佢個仔自己嚟。呢個Case 係有一個醫生confirmed。