2007年11月4日星期日

責任

曾經被問過一個問題?

若果我有一個已有小朋友的家庭,但又有一個情婦。情婦從來沒有要求他離開他的太太。那人亦沒有想過要離開過現在的太太。

到了一天,他的情婦意外懷孕……

他問我甚麼算?

我問她,情婦自己打算怎麼辦?「她想下了下來。」
你有沒有避孕?「有,兩手的,我用安全套,她吃藥。」
那就是盡了責任啦,是意外?「對。」
一開頭有沒有說好?「有。」
那你狠下來吧!「那即是?」
讓她自己生下來,不用理。「太狠了吧!」
你一玩得就已經好狠,到現在才不狠?「那始終是我的兒子。」
你狠不下去?「始終都是人,人心肉做。」
咁你又玩?「...」

你咁有責任,第二個方法。你拿了那孩子,做帶子洪郎吧!「你傻的。」

做男人,一係狠、絕;一係就做到底,咪咁婆媽。

我堅持,玩得,一定要夠狠。

15 則留言:

VC 說...

你憑甚麼肯定那人玩情婦,而不是愛情婦。

過內人?

過內人 說...

因為係佢肯定,唔係我肯定。

VC 說...

讓她生下來吧。

過內人 說...

個問題係個情婦企硬要生,何況都唔到我朋友控制,因為唔係我朋友個肚。

佢只係唔知點處理個BB啫。

VC 說...

點處理個BB啫?

媽媽照顧子女,天經地義。

如她不要,大把人要!

過內人 說...

係呀,我都係咁講呀,香港地,個仔實唔會死。

當然,佢都係話我痴線…

過內人 說...

我所認同的是「如她不要,大把人要!」

保良局實會睇佢個仔/女。

當然,我唔認為人命係要去到咁,個BB都無辜,但係若果個局面係咁,就無得婆媽。

佢一係就狠,大、細都唔理,個情婦要生就由得佢。一係就上晒身,唔要個大要個細,一力將個細路帶大佢。

VC 說...

i don't agree "佢一係就狠,大、細都唔理,個情婦要生就由得佢。一係就上晒身,唔要個大要個細,一力將個細路帶大佢。"

1. why not 一生祕密照顧?

2. 佢憑甚麼要細唔要大, 佢無呢個權。

過內人 說...

秘密照顧,你秘密得幾耐先?
包住條女易,包埋個仔難呀。

當你包到,條女又甩唔到,咁以後條女都係上身,咁就唔係玩啦。上得身,就不如離婚。

權唔權,憑唔憑……個大唔肯,要大細都理晒,咁就大細都唔理,等個情婦自己理囉。到佢唔理,就自己食,一係就狠到大家都唔理,理得佢日日打個仔。

你一係就唔好玩,一玩就係堅守玩的道理,就係唔上身。到你咁偉大要上身,就要個家散。

玩就係唔上身,就係唔家散。

VC 說...

應優先保住原有家庭, 放棄以後原本用於玩女人的餘力, 照顧好這意外的家庭。

過內人 說...

咁那個意外的家庭,是否會包括個情婦呢?

VC 說...

"媽媽照顧子女,天經地義。"

過內人 說...

我唔係好肯定...

你所指係個男人照顧女人,個人女照顧個子女???

VC 說...

男人照顧女人and個BB,and女人照顧個BB

過內人 說...

你咁睇啦...我唔係