電視(三)

咁點解模擬同數碼都同時有標清呢?

而家你睇電視，特別係無線/亞視，其實唔多唔少都有啲接收不良，例如雪花同鬼影。講真，大家睇咗咁多年電視，某程度上都習慣咗睇電視係有少少唔清；又除非係住響唐樓、村屋，或偏僻嘅地方，如果唔係接收問題都唔係好嚴重。

基本上，你睇無線/亞線，原本個質素都接近DVD下，只要接收電視台嘅能力唔係好差下，本身個質素都唔算低，至少無以前VHS錄影帶或者VCD咁差。

不過，某程度上，而家廣播都響質素上都有兩個少問題，一係就有少少鬼影同雪花，一係就直頭好唔清。

數碼電視就可以難決上述問題。

模擬廣播喺接收上，訊號夠強，所收到嘅畫面就會越接近原本個畫面，而一路弱，就一路差。好似你聽收音機咁，響空曠地方就好清，而入室內，就慢慢差落去，直至聽唔到。不過數碼廣播就唔會有咁嘅問題，因為訊號夠強自然收到，而訊號一路弱，其實佢都一路收到，而且質素都唔會變，直到一個好弱嘅訊號，即係到到一個臨界值時，佢就會好接近收到同收唔到之間，咁就會起格仔，然後會突然睇唔到。

咁樣嘅話，即係大家睇電視，雪花、鬼影等問題唔會出現，因為好似射12碼咁，你一係就收到，一係就收唔到，唔會話收到但係有雪花咁嘅問題。整體上，當發射站數量足夠時，咁香港絕大部份地區嘅電視接收問題都會解決，整體接收質素都會有所提升，偏遠地方接收問題亦有望難決。

政府認為，高清同標清喺廣播內容上係無乜分別，推出數碼電視，除咗高清外，仲要兼顧好多低收入而且要求只係「睇到就得」嘅人，所以就響數碼廣播下保留標清規格，希望可以減低入門門檻。