一手好字

自問自己手字好差，非好小心兼認真地寫，手字好唔見得人。

雖然話而家打字多過寫，但就算我呢啲差唔多成日都對住電腦嘅人，都避免唔到要寫字。

呢幾年睇人寫字嘅機會越嚟越少，但久唔久都會見到一兩隻。

有一個我認為唔係好特別嘅人，有一日寫少少嘢嘅時候畀我發現到佢啲字都Okay 喎。

我直覺上覺得佢「有啲嘢」。

人靠衣裝，又延伸到人靠包裝。除咗所謂嘅衫、褲、鞋、襪、眼鏡、銀包、手袋外，其實一手見得人嘅字都係包裝。最重要嘅係，你可以用一秒時間包裝衣飾，但點都唔可以用一年時間去包裝你手字。

有啲人改個好名，都係想有條好命。同樣地，改個名可以好快，又係唔可靠。當然，能夠有一個好名兼可以寫得自己個名好好哋，咁就更加完美。