2010年12月23日星期四

倫敦學生

我睇極都唔明,有乜咁大不了。

有瓦遮頭下凍幾日就話要生要死。

一個就話我病,雖然有醫生,但佢淨係叫我飲多啲水,佢都幫唔到我。

等我話你知喇,細路女,你呢啲咁普通嘅病係真係靠自己體質去康復,唔係你想個醫生點幫你呀。
得閒做多啲運動喇你。

啲人又響啲youtube 片到打:

我們明白航空公司有自己的考慮
在龐大的工作量之下
我們願意等一等

但為那些只有十二歲的做些東西吧
為甚(什)麼不能幫他們訂到其他航班的機標
當中還有身體不太好的

挑!你身體唔好就留響英國休息吓囉,家陣唔返香港會死咩?
十二歲大撚晒呀?學吓獨立喇!

我響度諗,畀著十年八年前我哋呢代,有個咁嘅百年一遇嘅機會可以唔洗返香港對住屋企人去咗邊度玩都無人理,我哋一定日日開P,求其打個電話話唔洗擔心,返香港仲唔安全,穩定咗家人心情就玩足幾星期。

7 則留言:

小瓶子 說...

完全赞同.

Ebenezer 說...

今時今日嘅香港,連野外求生訓練導師都唔識得在野外求生,試問依家d細路,去邊度學識遇事應變呢?

Hana 說...

有啲話寄宿家庭啲人去咗旅行冇門入喎!

但我個女話會畀鑰匙唔會冇門入!當然如果以後都唔去了就梗係冇門入啦!

匿名 說...

細路女嬌生慣養, 唔知世界艱難, 小小嘢就話慘絕人寰, 痛苦不堪, 呢啲人完全係俾父母縱壞晒, 好冇家教.

過內人 說...

「細路女嬌生慣養, 唔知世界艱難, 小小嘢就話慘絕人寰」

咁咪就係囉……

最搞笑係話,好似打仗咁,大佬,你班大帝有瓦遮頭有醫生有嘢食有水飲有手機有電視有人知你響邊,我阿嫲以前班仆街日本仔打到嚟時,十幾日無食嘢,食樹皮、食泥、甚至最後食人肉,呢啲就真係打仗喇。

laulong 說...

+二歲?我已經做童工洗廚房賣麵包賣點心做工廠搞包裝...

唉,今次係難得嘅歷練呀,嘈乜鬼,感謝上天喇!

過內人 說...

如果東北亞真係有乜事,搞埋香港...呵呵,真係至少有100萬人唔係因炮火而死。